تەۋەنی زلە نیشانۍ نەشانایشەنە

تەۋەنی، گۆرېش هەنەو گولانېچش هەنە، فرەو وەختی کە جەنگێ میانو چن کەسێنە ڕوە مڎۊ، دمای ئانەی بە دەس هیلاکۍ مەبان، یام هەر جە ئەوەڵۆ دەس کەران بە تەۋەن شانای ڕوەو یۊترینی.
عادەتی و ئانە باوەن کە تەۋەنێ هۊرگېریۊ و پەڕە مشتە بۊ، پەی ئانەی بتاویۊ شانیۊ.
پېسە ئیدیۆمێ، خەڵک بەکارش ماران پەی نیشانۍ بۍ کەرداری، یام بۍ تەوانایی، چوونکوم گەر کەسێ نیازش بۊن تەۋەنی بشانۊ، نەمۊ تەۋەنێ گولانۍ، بەڵام گەر نەمۊ تەۋەنێ گۆرۍ ئانە نیازش نیەن بشانۊش، هەر چاگۆ واتەنشا: تەۋەنی زلە نیشانۍ نەشانایشەنە. هەم پەی نەکەردەی هەرمانێ ماچیۊن، کەسێ دەسمڎۊن هەرمانێ قورسۍ، یام هەرمانێ گۆرۍ، نییەنە تەواناو ئاڎینە، خەڵکی پەنەش ماچان؛ دیارەن هەرمانکەر نییەنی، چونکووم نەمای تەۋەنۍ زلۍ، نیشانۍ نەشانایشەنۍ.[1]