تەۋەنی یاگۍ وېشەنە سەنگینەنە
تەۋەنی یاگېش زەمینەن، فرەتەر دلۍ کانە تەۋەنەکانە، یام دلۍ کەڵەکېنە. گەر سەرنجە بڎەیمۍ جە کانە تەۋەنێ، وینمۍ بڕێ فرۍ تەۋەنی پاڵو یۊینە جاگیرۍ بیېنۍ، گرڎشاوە تاوانشا کەشێ یام مەڕێ، یام کەمەرێ وەش بکەران هەکە بە هیچ هېزێ جمە نمەکەرۊن، ئەچاگۆ قورسایی هەم هەرمانەو تەۋەنېما پەی بەرمەگنۊن، بەڵام کاتێ ئا تەۋەنا دلۍ کانەکەی یام دلۍ مەڕەکېنە بەرماران، بە تەنیا هیچ هېزێشا نمەمەنۊ، دەساو دەسشا پەنە کەران، هەر دەمێ ئینێ یاگێنە، چەکوشکاریشا کەران، مەهاڕاشان، وردېشان مەکەران، ئا سەنگو قورساییە کە یاگۍ وېشانە بیەنشان گومش مەکەران.
پېسە ئیدیۆمێ بەکارئامان پەی ژیوای مروڤەکا، گرڎ کەسێ دلۍ خانەواڎەو وېشەنە، دلۍ هۊز و نەتەوە و ناوچەو وېشەنە سەنگین تەرەن، گەر ماواو وېشەنە ترازیا بە هەر مەڵامەتێ، ئیتر پېسە غەریبێوە تەماشا مەکریۊن، کاتێ توشو نەهامەتیێ و کارەساتێ مەبۊن ئا کاتە مزانۊ کە قەدرو جارانیش دلۍ ماواو وېشەنە چن فرە بیەن.[1]