بزە پەی یەک شەوی یاگۍ وېش پاکە کەرۊوە
زەریفی مروڤی ئینا بە یاگۍ ژیوایشۆ، کەسی ئاقڵ و دانا یاگۍ ژیوایش پاک و پۊختۍ و دڵگیرەنە، چوونکوم یاگۍ ژیوای و پۊشاکو لاشەی ڕەنگدایۆ مەژگینۍ، مەژگی سەلیم بەرهەمی سەلیم درووس مەکەرۊن.
بڕێ خەڵکېچ فرە گۊش نمەڎا بە پۊشاکی و یاگۍ ژیوایشان، گوزەرانشان چەنی گوزەریۊ گرفتێ نېیەن.
یاگۍ ژیوای ڕەنگە کاتیە بۊن، پەی چن شەوێ، یان چن مانگێ، بەڵام هەر مەشۊم ڕېک و پېکەو پۊختۍ بۊن.
کاتێ چەنی ئا جۊرە کەسا ڕات مەگنۊ یاگێ، شەوۍ مەندێ، پېسە کەش و کۊی، یام دلۍ باخی، ئاڎۍ گۊش نمەڎان بە یاگەکۍ، بە پیس و پۊخڵی گوزەرناش، زوېڵ و خاشاک جېیامازان، پەوکەی بە تالېقۆ پەنەشان ماچان: بزە پەی یەک شەوی یاگۍ وېش پاکە کەرۊوە، شمە غیرەتو ئانەیتا نېیەن چەنە.[1]