بە پەلێ سەرەش بڕە
پەل، مەخسەڎش پەلو باڵدارییەن، کە شېوەش پېسەنە کاردۍ، بەڵام نەرمەن، دیارەن چېوی نەرم هیچش پەنە سەرە نمەبڕیۊو زامڎار نمەکریۊ.
پېسە پەندێ بەکارشان ئاردەن پەی ئا خەڵکە فەقیر و بېوەیا کە هیچ گرفتێ پەی خەڵکی و پەی وېچشان وەشنمەکەران، جۊرە کەسێنۍ کە هەم فرەو خەڵکی و هەم خوڎای گۆرەیچ چەنەشان ڕازییەن. جاری چامنە هەن ئا جۊرە کەسۍ مەگنانە گرفت چەنی خەڵکانێ هار و خراب و جەنگەرانی، هەرچن هەق ئینا پاڎییشا، بەڵام وەراوەرەکېشا زوڵمشان وەنە مەکەران، خەڵک مەگنۊ مېیانشان، بە کابرای جەنگەرانی ماچان: برا ئا کابرا فرە بېوەیا، بە پەلێ سەرەش بڕە، چی غەدرش وەنە کەری؟[1]