بزە شەقېش نەۋریا نانو شوانی موەرۊ
بزە گېیاندارێ شۊتدەرە و فرەجووڵەنە، دەس مەیاونۊ یاگە بەرزەکا پەی کەندەیۆ گەڵاو درەختەکا، ئانەی ناسک و جوانەن موەرۊش. شوانەو گەلەی وەختێ چەنی ئاژەڵی ملو کەشەرە، تۊشەبەرێ مەپېچۊوە، نان و چایی و واردەمەنیش کەرۊنە، دمای نماو نیمەڕۊی تۊشەبەرەکۍ کەرۊوەو واردەکەی وەرۊن.
بڕێ جارۍ شوانەو گەلەگەی وەختێ سەرقاڵو هەرمانێن، بزەکۍ یان یوەشا فرسەت گېرۊن پەلامارەو تۊشەبەرەکۍ مڎۊن و نانو شوانەکەی مەوەرۊن، وەختێ شوانەکە مەگېڵۊوە دارکاریێ بزەکۍ کەرۊن.
ئی ئیدیۆمە بەکارئامان پەی ئا خەڵکا هەکە سامان، یان چېوۊ خەڵکی بەران، یان کەتنێ مڎان، خاوەن هەرمانەکە تەقۊشا چۊری، بڕێ جارېچ مڎۊشا وەنە، ئیتر ماچان: بزە گەر شەقېش نەوریا، نانو شوانی موەرۊن.[1]