دمای تڕی قنگە قوجنۊ
بڕێ کەسۍ وەختو واتە و گۊشگېرتەینە قسۍ هەڵۍ ماچان، یام دەمشانە بەرمشان، ئیتر دمایی پەشیمانی بەرمەوزان، یام هەرمانێ کەران، بەڵام دمایی مەزانان هەڵېنە، پەشیمانیچ داڎشا نمەڎۊن.
ئا حاڵەتۍ وېناکریێنۍ بە بەرشیەی هەوای جە کۊمەو مروڤیۆ، هەرچن وېناکەردەیێ گولەن، بەڵام ئیتر ئامان و بییەن بە بەشێ جە کەلتوور و فەرهەنگو ئېمە. کاتێ کەسێ بە هەر هۊکارێ ئا بارەشە وەنە قۊمیۊ، یەکسەر وېش گلېر مەکەرۊوە و گیانش مارۊە یۊ، بەڵام پېسە واتەنشا کار جە کاری ترازیان، هیچ ئیسفاڎەش نییەن، مەشۊم وەڵۍ ئانەی دەسبەری پەی هەرمانێ خاس ویرېش چەنە کەریۆ، سەرنجەش بڎەی، قازانج و زەرەرش لەیەکۍ بڎەیۆ، چوونکوم هەرچی لوا نمەگېڵۊوە.[1]