تاکو قەباڵۍ وېت موانیۆ، داماگت کەران
(قەباڵۍ)، بە پارچە کاغەزێ لوولکریای ماچان کە دلېشەنە باسێش چەنە نویسیابۊن، یام بە پارچە نانێ ماچان هەکە واردەمەنیێ پېسە گۊشت، یام کەباب، یام تەڕەپیازیش چەنەبان و لوول کریابۊن پەی واردەی.
ئیدیۆمەکۍ مەخسەڎش ئانەو یەکەمیشانەن، جاران گەر داواکاریێ، یام شکاتێ بیێ جە نەفەرێ، دلۍ پارچە کاغەزێنە تۊمار کریۍ و لوولش کەرېنۍ، گېرېنېش دەسۆو لوېنۍ پەی لاو دەسەڵاتدارو ئا وەختەیە، خاوەنو قەباڵەکۍ وەردەمو پاشای، یام دەسەڵاتدارەکەینە مدرۍ و قەباڵە لوولەکۍ کەرېوەو پەیش وانېوە، ئیتر دەسەڵاتدار گۊشش پەی گېرۍ. بڕێ دەسەڵاتدارۍ هەنۍ فرە زاڵمېنۍ، بۍ ئانەی داڎوەری کەسێ بکەران مڎاش وەنە، پیێکېش پەلامارە مڎان، ئا کەسە هەکە شکاتش هەن جە کەسێ کە هەقش واردەن، وەڵۍ ئانەی بیاوۊ لاو حاکمی، یام دەسەاتداری ڕەنگە فەلاقەش بکەران و بکیاناشۆ، هەر نازان قەباڵەکېش کەرۊوە و نیشانەو حاکمیش بڎۊن.[1]