چەند سەبەقە ژ قەولێ پیر داود :- ئەڤ قەولە دیار دکەت کو چاوا عمادالدين زەنگی پاشایێ موسل ھاتیە شەڕێ شیخادی و شکەستی ڤەگەریا ڤە.

قەدرێ مێرای چەندە
ئی بێ گولەی بێ گازندە
دا بدەین مەدەھێد داودی خەربەندە

***
قەدرێ مێرا وەیە
بێ گولەی بێ گازندەیە
دابدەین مەدەھێد داودێ خەربەندەیە

***
بفکرنە ڤی ڕەنگی
شێخ موسە و سلتانی زەنگی
دێ چنە با شیخادی ب جەنگی

***
سلتانی زەنگ مێرەکی ب کارە
بەر دچن دھۆل و نقارە
بارەک کر بوە بارە
ئالیەک سێکە ئالیەک ژەھرە
داود کرە قاسد با شیخادی ڤە دھنارە

***
داود وێ دچی یە
شیخادی ژێ پرسی یە
داودۆ تو ب خودێ کەی ئیلاھی یە
تو دێ بێژیە من راستی یە
دیاریا سلتان زەنگ بۆ من ھنارتی چی یە

***
داود دەنگ دکەت ب زارە
عەزیزێ من چو نینە ژ پێش تەڤە نەیە دیارە
دیاریا سلتانی زەنگ بۆ تە ھنارتی ئالیەک سێکە و ئالیەک ژەھرە

***
داودێ وەیە وە نینە
تو بارێ خۆ داینە
ئالیەک ڕونە ئالیەک ھنگڤینە

***
داودی بارێ خۆ دانایە
شیخادی دا سەد کەرامەت نەمایە
داود سەر دەستێ شیخادی شەھدە دایە

***
داود ڤەگەریا سلتانی زەنگ ژێ پرسی یە
داود تو ب خودێ کەی ئیلاھی یە
دێ بێژیە من راستی یە
کا ھنەر و کەرامەتێد وی شێخی چی یە

***
داود وێ وە دبێ یە
میرۆ ڤەگەڕێ وەرە سەر رێ یە
ھنەرا شیخادی بێ شک ھنەرا خودێ یە

***
سلتانی زەنگ ئێکە نە چێ کر
عوجێبی کبار ل نەفسێ کر
گرت و ژ بندا زمانێ داود ژێ کر

***
پیر داود پیرەکی ب ئەرکانە
سێ رۆژ و سێ شەڤانە
ناڤ لەشکەرێ سلتانی زەنگ گەڕیا بێ زار بێ زمانە
زمان نەبو ب دەستا ددەت خەبەردانە

***
پیر داود پیرەکی مێر سەرە
سێ رۆژ و سێ شەڤی دەراندەرە
زمان نەبو دەستا ددەت خەبەرە

***
پیر داود ڤەدگەڕی یە
شیخادی پف کرە دەڤی یە
ھەفت جارا زمانێ داود ژ بەرێ چێتر دگەڕی یە

***
داودۆ ھلو ھەرە
ھەکە ل خێرە ھەکە ل شەڕە
ھیمەتا من ھەبت ب تەڕە

***
داود دبێژت : ھەی پەدشێ منۆی بێری
ھەکە توڤکەرامەتەکە ژ زمانی مەزتر منڕا نەھنێری
سلتان زەنگ و مالخۆیێ خۆ چو رەنگا ناسپێری

***
شیخادی ب کەرامەتە
داود مە ب تە شەرتە
مە ب تە ئەینەتە
ھەکە سلتانی زەنگ بۆ مە بکە برباتە

***
شیخادی دۆد دخوەستە
بەحرا نازۆکێ دبن چەنگی دبەستە
ب ناڤ لەشکەرێ سلتانی زەنگ ڤە کربو قەستە

***
دۆدێ ژ دینی
سواربە ل بۆڕێ کولبینی
ھەڕە لەشکەرێ سلتانی زەنگ بۆ مە بشکینی

***
شیخادی دۆد دھنارە
بۆڕێ کولبێ کربو سوارە
ناڤ لەشکەرێ سلتانی زەنگ ڤە دھنارە
چەند زاد و ئێمیشێ وان دخوارە
سلتان زەنگ و مالخۆیێ خۆ مابون دشەرمین دشەرمەزارە

***
سلتانی زەنگ ژ مالخۆیێ خۆ پرسی یە
تو ب خودێ کەی ئیلاھی یە
دێ بێژیە من راستی یە
کا زگێ دۆدێ چی یە

***
مالخۆ دەنگ دکەت ب زارە
میرۆ زگێ دۆدێ بەحرە
دنیا و عالەمێ پێ نینە چارە
ژغێری مەلکێ جەبارە

***
مالخۆ دەنگ دکەت ژ نەھینە
میرۆ زمانێ دۆدێ ھلینە
وا د بندا بەحرەکە شینە
دنیا و عالەمێ چارە پێ نینە
ژ غێری قودبێ زەمینە

***
شیخادی خودانێ قرارێ
مێر جەما کرن ل مغارێ
پیر داود خەلات کربو وێ جارێ

***
پیر داود پیرەکی ب ئەرکانە
ل گەل چل پیرا کرە پیرێ کەرەمانە
شکرا مە ئێزدیا صەدقە و حەیا و ئیمانە

***
یێ تەمام خودێ یە
[1]