تۊ چەنی عامی، یام عام چەنی تۊ
مەگېڵناوە، ساڵەکا زووینە دوۍ نەفەرۍ هۆرامیۍ مەیان پەی شارو سلېمانی، دیارەن ئا کاتە سەفەر بە وڵاخ و هەر بییەن، کاتێ میاوا دلۍ شاری، تەماشە کەران خەڵکێ فرە گلېربیەنۆ و هاوارۍ کەران و داواکاریۍ وېشان مەیاونا بە دەسەڵاتدارا ئا کاتەیە (وۍ نیشاندای) ، یۊ جە دوە نەفەرە هۆرامیەکەی پەویشا ماچۊ: ئەی ئېمە چېش بکەرمۍ؟
ئاڎیچ ئاقڵ بۊ، ماچۊ ئېمەیچ ملمۍ دلۍ هۊسەکەی و ئاڎۍ چېششا وات ئېمەیچ شۊنیشارە ماچمېشۆ.
مروڤ کاتێ دلۍ شارێنە. یام کۊمەڵە خەڵکێنە بژیوۊ، مەشۊم جە باوەکا لا نەڎۊن، هەرمانێ نەکەرۊن هەکە شازەو دیارە بۊن، خەڵکی بە تەرزێ جیاواز تەماشەش بکەران. وەڵینەکېما ئاقڵۍ بیېنۍ کاتێ واتەنشا مەشۊم تۊ چەنی عامی بی، نەک عام چەنی تۊ، ڕاسەن تۊ نمەتاوی گرڎو خەڵکی ۋزی شۊنەو وېت.[1]