تووڵە بە نەمامی نەچەمیۊ، کە بییە بە دار نمەچەمیۊ

پېسە مزانمۍ نەمام جە ئەوەڵو عومریشۆ تەڕەن و ناسکەن، گەر گەرەکمابۊن چەمنمېش بە ئاسانی پەیمان چەمیۊن، چ بارێرە چەمنیش ئا بارەیە وەرگېرۊن، بەڵام کاتێ باڵاش کەردو بی بە دار (درەخت) ێ گۆرە، ئیتر قەڎەکەش ڕەقەن و بە هیج کلۆجێ نمەچەمیۊن.
تەمەنو ئینسانی وېناکریان بە نەمامی و درەختی، کاتێ زارۊڵەن مەژگش سافەن، پېسەنە پەڕەی چەرمەی، هەرچیش سەرۆ بنویسی ئانە تۊمار مەبۊن چەنەش، زارۊڵە مەتاوی بە هەر بارێرە چەمنیش، گەر پەروەردێ خاس و تەندرووسش بکەری، ئانە دما ڕۊنە مروڤێ گۆرەو خاوەن شوناسێ جوان بەرمشۊن، بە پېچەوانۆ کەسێ لار و بۍ دەسەڵات و بۍ شوناس بەرمشۊن، هەر پەوکەی واتەنشا وەچەکاتا بە زارۊڵەیی باردېرە، چوونکوم کە گۆرۍ بیۍ ئیتر دەسەنە بەرمشان.[1]