خێرە پەی خۋېشی، نەک پەی دەرۋېشی
خێرە، سەرو گرڎ کەسێ دارای داواکریێنە، کەسی دارا مەشۊم چا سەروەت و سامانیە کە هەنش بەشو نەدارا بڎۊن، چوونکوم فەرمانش پەنەکریان، پەی پاک بیەیۆ سامانەکەیش خێرە و زەکات سەرش واجب کریان.
بەپاو ڕانماییە شەرعیەکا خێرە جە کەسە نزیکەکاوە دەس پەنە کەرۊن، یانی سەرەتا مەشۊم چاڎییشاوە دەس پەنەکەرۊن، دمایی پەی کەسە دوورتەرەکا. وەڵینەکېچ ئانەشا زانان، واتەنشا خێرە پەی خۋېشی، یانی پەی کەسی نزیکی نەدارای، دماتەر پەی دەرۋېشی گېڵەری.
ئیدیۆمەکۍ دوور جە خێر و خێراتی تەماموو چېوەکاتەریچ مەگېرۊوە، پېسە ئام و شۊی و لوای دەمۆ و سەردای کەردەی، کە وەڵېنه مەشۊم جە نزیکەکاوە دەس پەنەکریۊ.
هەر پۆکەی وەڵینەکۍ یاردی قۆم و کەسە نزیکەکاشا بە واجیبێ فەرز نیانەرە، بەڵام خەڵکی دوور بە سوڼەت.[1]