چاڵی هورکەنی پەی هەرکەسی، وېت مەگنیشەنە
جاران، بڕێ خەڵکۍ پەی ئانەی هەقەو وېشان جە خەڵکی، یام دژمەنەکەیشان بسانان، وەراوەرشاوە نەمدرێنۍ و پەلامارەشان نەڎێنۍ، پەی پارېزنای ژیوای وېشان، چېرەنەبە تاکتیکێ ورد و بە وریاییۆ، سەرو ڕاکېشاوە چاڵێشا هۊرکەندېنەو بە پووش و پەڵا سەرشان گېرتېنە، کاتێ کابرای دژمەنشا ویەردەن سەرشەرە، کۆتەن دلۍ چاڵەکۍ، ئیتر یام دەس و لاقێش مەڕیان، یام بە قورسی زامڎار بییەن.
ئی دیاردە بیەن بە ئیدیۆمێ بەکارشان ئاردەن پەی ئا کەسا هەکە خەریکۍ فڕ و فېڵی و هەرمانە خرابانۍ، ئا کەسۍ هەکە بوختانیشان پەی خەڵکی بېتاوانی هۊربەستېنۍ، یام شکاتێوە ناهەقشان وەنە کەردېنۍ پەی ئانەی توشوو یانەوېرانیشان بکەران، خوڎای هەقە چەنەئەسێنۍ و دماجار هەر وېشا توشۍ بیېنۍ و کۆتېنېنە چاڵەکۍ.[1]