خوڎا دەرێ بڕۊ، یۊ گوشاڎ کەرۊ
خوڎای گۆرە هەر دەم هاگاڎارو بار و ژیوای بەڼەکاشەن، لاشەخەرېشان نمەکەرۊن، گەر قومیێوە، یام بەڵێوە بارۊ ملشارە هەر خێرەش چەنەنە، وېش زانان بە گرڎ چېوێ، خەڵکە ئاقڵەکۍ مزانا کە هەرمانەو خوڎای بۍ دانایی نییەنە، گەر دەرێ بڕۊ جە بەڼێوەش، ئانە دەرێ تەرش پەی مەکەرۊوە، نمازۊ نائومېڎ بگنۊ.
فرەو جاری خەڵک دیەنشا کاتێ کەسێ توشو قومیێوە ئامان، چیلاوە دەرێ خاسش پەی مەکریانۆ، پەی نموونەی گەر بڕێ زارۊڵۍ ۋردۍ، ئەڎاشا یام تاتەشا مرۊن، ئیتر قۆم و کەس خەفەت مەگېرۊشارەو ئەجۊشا بۍ نازۍ مەگناو ئاورایی مران، بەڵام چیلاوە بارێ خاس مەی وەرۆ پەیشان کە قومیاکەشا ویر مەشۊوە. ئەچی پەندېنە واچۍ(دەر) به واتاو (بەرە) مێ، یانی گەر بەرێوە بگنۊره و بژنیۊ، ئانە هەر عەینو یانەکەینە بەرێوەتەر واز مەکریۊن.[1]