چراوەو کەسی تا سەر مەگڕۊ(نمەگڕۊ)
هیچ دەسەڵاتێ تاکو سەر نیەن، سنوورێ دیاری کریاش هەن، یاسێکۍ دنیێ پاسە کېشیێنۍ کە هیچ کەسێ هەتا سەر ئەچا بار و زروفەنە کە چەنەشەن نمەمەنۊوە، فیرعەون پا گردو دەسەڵاتیشۆ نەتاواش درېژە بە ژیوای وېش بڎۊن، ئاخیر چېرو ئاوېنە غەرق بی. ئی ئیدیۆمۍ دەرەتانۍ فراوانۍ ژیوای مەگېرۊوە، خەڵکۍ دوڵەمەڼۍ سەردەمێنە شەپڵی شەپان مڎاش وەنەو بە ڕەفاهی مژیوان، جە هیچیشان کەم نیەن، بەڵام دمای زەمەنێ لاتۍ مەگنان و ئاتاجی خەڵکا تەری مەبان، یام ڕەنگە نەوەشۍ بگنان و نەتاوان پېسە وەڵۍ بژیوان، ئیتر ئا چراوۍ کە ڕۊخسار و چواردۆرشان ڕۊشن کەرېوە، وەرە وەرە کزە مەبۊنەو خامۊشە مەبۊن.[1]