چاشتەو دوە ژەنەی یام سۊڵەنە، یام بېمەکە
سرووشتو ئینسانی ئەچامنەن، گەر شەریکو هەرمانۍ پاڵشەنە بۊن مەگنۊ تەمەڵیۍ، هازیش کەمە بۊوە، دڵوەشیش و دڵسوزیش پەی هەرمانەکۍ کەمە مەبۊوە، چوونکوم هەرمانەکۍ تەنیا بەهینەو وېش نمەزانۊن.
بەڵام گەر یەک نەفەر تەنیا هەرمانێ کەرۊن، بە دڵ مەی دۆر و خولشەرە، گەرەکشەن بەرهەمێ زەریفش بۊن، چوونکوم دمایی تەنیا ڕیشو وېش مەگېرۊوە، گەر بەرهەمەکەش خاس بۊن، یام خراب. زیاتەر دلۍ خانمەو یانەینە بەرمەگنۊ، کاتێ خانەوادێ چن مېمانێشا ملان، ژەنەو یانەکەی بە کورج و گۊڵی مەی دەمشاوەو چایی و ئاویشا پەی مارۊن، خزمەتشان کەرۊن، بەڵام گەر دوۍ ژەنی بان، ئانە ئېڎە تەماڎارەو ئاڎېشانە، خۊ ئانە گەر هەوۍ بان، قینیۍ یۊترینینە گرفت ۋزا هەرمانەکۍ، هەر یوەشا هۆڵۍ مڎۊ ئەوېشا ناشیرینە بکەرۊن. فرەو جاری دوۍ هەوۍ یانێوەنە قینیۍ یۊترینی چاشتەکېشا سۊڵە، یام بېمەکە کەران، بە نیازو ئانەی مېردەکەشان ئەوەش بېزیۊو وزۊش پەشتەو گۊشا.[1]