حازر مەڎە بە قەرز
ئی ئیدیومۍ زیاتەر دلۍ مامەڵەینە بەکار مێ، پەی نموونەی دوۍ مشتەریۍ گەرەکشانەن کاڵێوە بسانان، هەردوېشان ملان پەی لاو دوکاندارێ، یۊشان زەڕی حازرش پەنەن، داواش کەرۊن و زەڕش مڎۊن، دوەمشان گەرەکشەن بە قەرز بارۊش، کابرای دوکاندار ئانەشە قازانجەن هەکە بڎۊش پا مشتەریەیە هەکە زەڕی حازرش پەنەن، گەر بڎۊش پەویشا بە قەرز، ڕەنگە دمایی لاریۍ بڎۊ وەنەو قەرزەکەیچش فۊتیۊن، یام ڕەنگە قەرزارباریچش بکەرۊن.
ئینە هەم مۊچیاریێوەن پەی گرڎ کەسێ، کە چېوی حازر خاستەرەن جە چېوێ هەکە ئەسەرش دیار نەبۊن.
قەڎییمیا واتەن:
هەشت بێ، لە مشت بێ
نەک نۆ بێ، لە دەشت بێ.
چن زەریفشا واتەن، ئانەی کە دیار نییەن ماڵو تۊ نییەن، ڕەنگە نەبۊ بە نسیب، ڕەنگە نەیاویش پەنە، بەڵام حازری هینو وېتەن.[1]