حەیا قەترێوەنە، کە تکا ئیتر نمێوە
مروڤ چ ژەنی بۊ، چ پیا بە حەیا و حورمەتۆ زەریفەن، حەیا زەریفی و کەسی بییەی مڎۊ بە مروڤی، دلۍ خەڵکینە سەنگینش مەکەرۊن، وەشەویسش مەکەرۊن.
ئینسان مەشۊم ئاگاش جە حەیا و حورمەتیش بۊن، پەی دەسکۆتێ مادی و دنیایی جە دەسش نەڎۊن.
بڕێ خەڵکۍ پەی قازانجێ کەمۍ وېشان ناشیرین مەکەران، دەسو خەڵکی مەبڕان، دزی مەکەران، فڕ و فېڵ مڎان وەنە، بېحەیایۍ وەراوەرو خەڵکی مەکەران، ئا جۊرە کەسۍ حەیاشان تکێنە، هیچ چېوێ لاشاوە قیمەتش نییەن، بېجگە زەڕی.
کاتو تەرېق بیەیۆنە، ڕۊخسارو کەسەکەی سوور مەبۊوەو ئارەق بەر مڎۊن، هەر ئەچانەیۊ ئامان کە ماچان: حەیا قەترێوەنە، یانی ئارەقو ڕۊخساریشەن و مەتکۊرە.
حەیا شییەی یەکجارەن، گېڵایۆش پەی نییەن، پەوکەی پاسە واچیان، ئیتر کەسەکە کەسیبیەو وېش جە دەس مڎۊو قیمەتش وەزۊرە.[1]