بەیتا بلبلی 4

ب دەستوری خودێ

ئەز ب وی کەم ، یی ئەکبەره
هەتا روح ژ قالبێ من نەچه دە‌‌ره
ئەز ناچمه دیوانا میر سلێمان پێغەمبەرە !.
* * *
بازی گۆ : بلبلۆ ! بەس بکە گوڕان و گەفە
تو نه چو طەیری ژ وان رەفه
ئەزێ ته گرم ب هەردو کەفه
دێ تە ئێقسیرکەم ژ دیان و طەرەفه
* * *
بازی ل بلبلی دا د هات و دبره
ب باییرا دابو خەبەره
گۆ ; بلبلی بەزە مسکین گەلەکی ل وە گولا را یی کەسەرە
* * *
با راوەستابوو ل بەره
ب سۆر گولا رە دابوو خەبەرە
بلبلێ بەزە مسکین دبێژت ; پاشی من ئێمانەت گولێت سۆر و زەرە
* * *
ئیمانەت و سەد ئیمانەت
ئه و گولا ئەز دبومه هزرەت
پاشی من نه بشکڤە قەت و قەت
* * *
ئەمانەته و وه قەت بی
ئه و گولا ئەز ب حزرەت بی
پاشیمن نه بشکڤە قەت و قەت بی
* * *
بلبلۆ ! طەیرێ مانێ
مەﮪ عەزیزە ل گولانێ
سلێمان پێغەمبەر طەیر خوندینه ل دیوانێ
* * *
بلبلۆ ! طەیرێ شیرین هەستی
سلێمان پێغەمبەر تو یێ خوەستی
طەیرا هلگرت و بره دەستی
* * *
بازی ، بلبل ددەست دا دانی
بلبل گۆ : میرۆ تو وێ دزانی
قەنجه حەق رێیا خودێ بزانی
* * *
تو میر و ئەز غولام
هنجیێ نوختەکێ ژ ڤێ کاسێ بکە طام
قەنجه بێیە سەری ئاقل و فام !.
* * *
میرۆ ! تو خنێ
هنجیێ ژ ڤێ کاسێ ڤەخۆ ب تنێ
قەنه ئه و مەزلوم نەگەره ل دنێ
* * *
برێنە بلبلی و گولە
ئو شیرین شیرین هلتینه دەنگه
گۆ :میرۆ ! غەنیمێ من بخونە ، کا برێنەیێ چەندە
* * *
بلبل طەیرەکی ب نامووسه
ل طەیرا کەت کابوسه
فرین ، چۆنە هندریسی تاووسه
* * *
وه دبێژە کەوە
گۆ ;میرۆ ! هنجیێ مێرا مەلەکا برینە جەوە
شەڤێت گران ئەو ناکە خەوە
* * *
وه دبێژە کەوینە
ميرۆ ! هنجیێ مێرا مەلەکا سۆتی برینە
شەڤێت گران خەو لئ نینە
* * *
وه دبێژە طۆتە
هنجیێ مێرا مەلەکا برین سۆتە
شەڤێت گران خەو نە کارێ ویە ، کارێ وی گایێ جۆتە
* * *
وه بێیە طۆتاکە
ميرۆ ! هنجیێ مێرا مەلەکا سۆتی مێلاکە
شەڤێت گران خەوێ ناکە
* * *
وه دبێژە رەشێلاکە
ميرۆ ! هنجیێ مێرا مەلەکا سۆتی مێلاکە
ئەو شەڤێت گران خەوێ ناکە
* * *
وه دبێژە عەندەلە
ميرۆ ! هنجیێ مێرا مەلەکا سۆتیبو دلە
شەڤێت گران خەو نە دکرە
* * *
وه دبێژە عەندلیبە
هنجيێ راگرە دلێ خه لکێ غەریبە
ئەوی ، بێشک ل بوهشتا باقی هەیە نەسیبە
* * *
وه دبێژە شالولە
ميرۆ ! بلبل طەیرەکێ ب نوورە
قەنجه خەلات بکی ب دی دەستووره
* * *
سلێمان پێغەمبەر بلبل خەلات دکرە
دەنگ ل دارا تەر دکره
بشکفتن کوولیلکێت سۆر و زەرە
* * *
کوولیلکێت سۆر و زەر بشکفتن
خۆشی هاتن تەعلی ڤەشرتن
برینێت بلبل د کور بوون ، هنگێ ئاخفتن
* * *
بلبل طەیرێ دەولەتێ
غەوسی بەحرا قودرەتێ ‌
بەهرا مه و حازرا ل وێ رۆژێ ل وێ سەعەتێ

ئەم د کێمن خودی یێ تەمامه. [1]