گۊشەگیری جۊرێوەن جە فشاری فاشیستی
دی سانکتێز، ئانەش وست ڕوە کە هەلومەرجوو زیڼانیکەرڎەی عەبدوڵا ئۆجالانی حەجگیز مایۍ قبوڵکەرڎەی نېیەنە و واتش، ئی گۊشەگیریە جۊرێوەن جە فشاری فاشیستی و تیرۆریستی. عەبدوڵا ئۆجالان سەرکردېوەن کە ملیۆنان ئینسانۍ وەششا مسیۆ. ساڵەی ۋېیەرڎۍ ئامەدەنە بېنا دەرفەتم پەی ڕەخسیا کە چنی فرەو کەس و ڕېکوزیایا و کۊمەڵا دیڎار ئەنجام بڎەو. هەر کەسی دۊنینی واچۍ، زیڼانی کەرڎەی ئۆجالانی بە مەعناو زیڼانیکەرڎەی تەماموو گەلو کورڎیا. درک پانەی مەکریۊ، ۋەرو ئانەی ئەر شمە ئینەی ۋەرا ۋەر بە سەرکردەو گەلو کورڎی بکەردۍ، ئایا چېش سەرو گەلو کورڎیرە نماردۍ؟ هامکات چنی گۊشەگیری فشارېوە تڼیچ وزیان سەرو گەلو کورڎی، کوشییانە. مشۊم ئینۍ گرڎ بە زۋانێوە ڕۊشن شەرمەزار بکریا. نمەبۊ ئېمە کردەوەکا ئیمراڵی و ئانۍ ۋەرا ۋەر بە گەلو کورڎی کریا قبوڵ بکەرمۍ، یام ئاستشانە چەمۍ قوجنمۍ. بە مەڵامەتوو ئینیشاوە مشۊم ۋنەپەرسایۆ جە تورکیای بکریۆ.[1]