لەساڵی 1963 لەگەڕەکی شۆرجەی شاری #کەرکووک# لەدایک بووە، وەسەبارەت بەژیانی هونەری دەڵێت:
لەساڵی 1973 کەلەسێی سەرەتایی بووم بۆ یەکەمجار چومەتەسەر شانۆ.
پاشان پێنجی سەرەتایی و هەر سێ پۆلەکەی ناوەندی چوومەتەسەر شانۆ لەکەرکووک.
ساڵی 1980 بۆ یەکەمجار لەمێژووی کوردا کەپەیمانگای هونەرەجوانەکان لە#سلێمانی# کرایەوەمنیش یەکێک بووم لەو خوێندکارانەی کەلەبەشی شانۆ وەرگیرام.
1983 شانۆگەری (دەهۆڵی ئاوریشمین)م دەرهێناوەو نواندنم تیا کردووە، هەر لەهەمان ساڵدا ڕۆڵی (سۆکۆلۆڤ)م بینیووەلەشانۆگەری (چارەنووسی ئادەمیزاد) کەهاوڕیێ ئازیز و دانسقەم کاکە(شەفیق محەمەد) دەرهێنەری بوو، هەروەها لەشانۆگەری (یۆلیۆس سێزەر) کەمامۆستای خۆشەویستم مامۆستا (بەدیعەدارتاش) دەرهێنەری بوو.
1984 لەشانۆگەری (لەبادنەوەبۆ فێربوون) لەدەرهێنانی خوا لێ خۆشبوو (ئارێز مەولود ) بوو. هەر لەهەمان ساڵدا چیرۆکی (خاڵی کۆتایی) مامۆستا (حەمەفەریق حەسەن)مان کرد بەفلیمی 8 ملم کەمن بەسیناریۆ نووسین و نواندن بەشداریم تیا کردبوو.
1985 ئەتروحەی دواین ساڵی پەیمانگام دەرهێنانی شانۆگەری (ڕێسا و لەڕیسا بەدەر)ی (بەرتۆلد برێخت) بوو، هەروەها بەکاری نواندنی (شا) بەشداریم لەشانۆگەری (هاملێت درەنگ بەئاگا دێتەوە) کرد کەئەتروحەی خوا لێ خۆشبوو (ئارێز مەولود ) بوو، پاشان لەشاری کەرکووک لەشانۆگەری(تابلۆیەک لەژیانی ڤان کوخ) بەنووسین و نواندن و دەرهێنان بەشداریم کرد.
1987 لەڤیستیڤاڵێی دووەمی پەیمانگای هونەرەجوانەکانی سلێمانی لەمۆنۆدرامای (گالیسکەکەدەروات) بەنواندن و دەرهێنان بەشداریم کرد.
1991 یەکەم فلیمی ڤیدیۆیی دوای ڕاپەڕین فلیمی (قەرەج)م دەرهێنا.
1992 شانۆگەریەکی شیعری بۆ منداڵان کەسەرجەم گۆرانی ئامێز بوو شانۆگەری (ئاوڕ)م پێشکەشکرد کەلەنووسین و نواندن و دەرهێنان و ئاوازی خۆم بوو.
1994 فلیمی دۆکۆمێنتەری و درامی (زامێلی #گەرمیان#) کەلەنواندن و دەرهێنانی من بوو جێی داخەتەنها یەک شەو لەسلێمانی پیشاندرا لەبەر ئەوەی باسی لەو واقعەتاڵەی شەڕی براکوژی و گوزەرانی پارتیزان و پێشمەرگەدێرینەکان و هاووڵاتیانی لەخۆبردوو دەکرد.
هەر لەهەمان ساڵدا بەهاوکاری کۆمەڵێ دڵسۆز بەڕێوەبەرایەتی ڕۆشنبیری کەرکووکمان دامەزراند و من بەبەڕێوەبەری دامەزرام کۆمەڵێ بەرهەمی بەرچاومان پێشکەش کرد.
1996 یەکەمین ڤیستیڤاڵی گۆرانی منداڵانی کەرکووک سازدا کەحەوت گۆرانی منداڵان لەئاواز و هۆنراوەی من بوو.
پاشان لەهەندەران لەگەڵ کاک ڕزگار باهیر و کاک دکتۆر ئارازعەبدولکەریم و کۆمەڵێ برادەری دڵسۆز جموجۆڵیکی هونەری و ئەدەبیمان سازدا تامۆنۆدرامی (جوانترین حەرام) کەلەنووسینی د. ئاراز عەبدولکەریم و نواندنی ڕزگار باهیر و دەرهێنانی من هاتەبوونەوەو لەهۆڵەندا و سوید و بەلجیکا و بەریتانیا و سلێمانی هاتەنیشاندان و
2002 لەڤیستیڤاڵی سێیەمی شانۆی کوردی لەشاری (ووپەرتاڵی) ئەڵمانیا باشترین ئەکتەر و باشترین نووسەرو دووەم دەرهێنەرمان بەدەس هێنا.
هەمان ساڵ لەتابلۆی (خاک و ئەوین) لەڤیستیڤاڵی کەلچەری کوردی لەماسترێختی هۆڵەندا بەنواندن بەشداری کرد.
وا بۆ ماوەی چوار سالەلەشاری ناشڤێڵی ئەمەریکام بەشداریم لەم بەرهەمانەکردووەبەو ئینگلیزیەی من کەپێویست بووە:-
2005 فلیمی (شەمس و ڕوومی) کەڕۆڵێکی سادەم گێڕا.
2006 فلیمی (بۆ ئەوەی باوەڕدار بیت) کەوا لەپرۆگرامدایەمانگی ئۆکتۆبەر لەسینەماکان نیشان بدرێ، ڕۆڵێکی ناوەندیم بینوه.
2007فلیمی (فرۆشگای پشوودان) ڕۆڵی سەرەکیم تیابینیوەکەباس لەپەناهەندەیەکی کوردی کەرکووک دەکات، ئێستا لەقۆناغەکانی مۆنتاجدایه.
2007 حوزەیران بەشداریم لەشانۆگەری (فرمێسکەکانی خوا) کرد و بەنیازین جارێکی تر لە28ی مانگی نۆ نمایشی بکەینەوە.
لە2004 ەوەتاکوو ئێستا هەفتەی دوو کاتژمێر بەردەوامم لەپەخش کردنی بەرنامەکانی تەلەڤزیۆنی کوردی ناشڤێڵ.