لە ساڵی 1957 لە گوندی کرۆژ سەربە شارۆچکەی #کۆیە# لە دایکبووە، دایکی نەوەی شاعیری ناودار سافی هیرانیی ە.
خوێندنی سەرەتایی و ناوەندی لە کۆیە تەواوکردووە، دواتر چووەتە بەغدای پایتەختی ئێراق و خوێندنی لە بواری ئامۆژگاری تەندرووستی ئاژەڵی تەواوکردووە.
لە ساڵی 1979 لە شارەدێی #سیدەکان# بووەتە فەرامانبەر، پاشان بۆ شارەدێی #دێگەڵە# کواستراوەتەوە و تا ساڵی 1985 لەو شوێنە وەک فەرمانبەر بەردەوام بووە، دواتر بەهۆی هەڵوێستی سیاسی لەسەر کارەکەی لادراوە، لە ڕاپەڕینی ساڵی 1991 گەڕاوەتەوە سەر کارەکەی و تا ساڵی 1996 بەردەوام بووە، هەروەک بەشدار قادر ئاماژەی بۆ کرد.
لە ساڵی 1996 بەرەو ئەوروپا چوو و لە وڵاتی هۆڵەندا تا دواڕۆژی تەمەنی لەو وڵاتە مایەوە.
شاعیر چەندین تێکستی هەڵبەستی لە ڕۆژنامە و ماڵپەڕە ئەلیکترۆنییەکان بڵاوکردووەتەوە، جگە لە گێڕانی چەندین کۆڕی هەڵبەستی، دیوانێکی هەڵبەستی بەناوی هاوارێکی بەبێ فریا لە ساڵی 2004 بڵاوکردەوە، بەم دواییەش بەنیازی بڵاوکردنەوەی دیوانێکی دیکەی هەڵبەستی بوو.
ڕۆژی #14-04-2011# ، بەهۆی نەخۆشی شێرپەنجە لە سییەکانی، لە یەکێک لە نەخۆشخانەکانی وڵاتی هۆڵەندا کۆچی دوایی کرد.
ئەڤ بابەت ب زمانا (کوردیی ناوەڕاست - Central Kurdish) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 4,396 جار هاتیە دیتن
ڕایا خو دەربارەی ڤی بابەی بنڤێسە!