لەماوەی شەش مانگی ڕابردوودا لەسنووری قەزای کۆیە (566) حاڵەتی پرۆسەی هاوسەرگیری و لەیەک جیابوونەوەی خێزانی تۆمارکراوە.
(شیرن عەبدولوەهاب) لەبەشی باری کەسێتی دادگای قەزای کۆیە بەکوردیوی ڕاگەیاند: لە شەش مانگی ڕابردوودا (566) حاڵەتی هاوسەرگیری و لەیەک جیابوونەوەی خێزانی هەبووە، کە (441) یان هاوسەرگیریەو (125) حاڵەتیش لەیەک جیابوونەوە بووە.
شیرین زیاتر ڕوونیکردەوەو گوتی : حاڵەتی لەیەک جیابوونەوەکان لە سێ مانگی یەکەم زیاتربووە بەبەراورد لەگەڵ سێ مانگی کۆتایی بەجۆرێک لە سێ مانگی سەرەتا (70) جیابوونەوە هەبووە، بەڵام لە سێ مانگی کۆتایی (55) حاڵەتی جیابوونەوە هەبووە.
لەبارەی پرۆسەی هاوسەرگیری، ڕایگەیاند: بەپێچەوانەوە لەسێ مانگی کۆتاییدا زیاترە بەڕێژەیەک لە سێ مانگی سەرەتا (205) گرێبەستی هاوسەرگیری هەبووە، بەڵام لە سێ مانگی کۆتایی (236) گرێبەستی هاوسەرگیری ئەنجامدراوە.
(شیرین عەبدولوەهاب) سەبارەت بەهۆکارەکانی لێکجیابوونەوە گوتی : زۆربەی لێکجیابوونەوەکان و تەڵاق نەگونجانە لەگەڵ یەکتری و لەگەڵ خەیانەتی هاوسەرگیری و نەخۆشی و کێشەی کۆمەڵایەتی.
سەبارەت بە ناو گۆڕین ناوبراو گوتی : (43) حاڵەتی ناو گۆڕین هەبووە لەنێوان هەردوو ڕەگەزی نێرو مێ کە زۆربەیان کوڕن ئەوانەی ناویان دەگۆڕن و تەمەنیان لەسەروی (18) ساڵیەو لەسەر ئارەزووی خۆیان ناویان دەگۆڕن.
ئەڤ بابەت ب زمانا (کوردیی ناوەڕاست) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 8,730 جار هاتیە دیتن
ڕایا خو دەربارەی ڤی بابەی بنڤێسە!