بۆ خێزان و بنەماڵەی هونەرمەند کەریم کابان
بە بیستنی هەواڵی کۆچی دوایی هونەرمەندی خۆشەویست(مامۆستا کەریم کابان) نیگەران بووم، بەناوی خۆم و پەرلەمانی کوردستانەوە، پرسەو سەرەخۆشی لە خۆتان و بنەماڵە تێکۆشەر و سەربەرزەکەتان دەکەم. بە کۆچی دوایی مامۆستا کەریم کابان، یەکێک لە ئەستێرە درەوشاوەکانی گۆرانی و مۆزیکی ڕەسەنی کوردی ئاوا بوو. ئەم هونەرمەندە خۆشەویستە لە ئەزموونی دەوڵەمەندی کاری هونەریدا خاوەن دەنگ و ستایلێکی تایبەت بە خۆی بوو، کە هەرگیز تایبەتمەندی گۆرانییەکانی لەناو کۆمەڵانی خەڵکی کوردستاندا لەیاد ناکرێت. هەربۆیە بە داخ و خەمێکی قوڵەوە داواکارم لە خوای گەورە، کۆچی دوایی مامۆستا کەریم کابان دواهەمین خەم و پەژارەتان بێت و گیانی پاکی ئەم هونەرمەندەش بە بەهەشتی بەرین شاد بێت.
انا لله و انا الیە ڕاجعون
د.یوسف محەمەد سادق
سەرۆکی پەرلەمانی کوردستان
14-01-2016
ئەڤ بابەت ب زمانا (کوردیی ناوەڕاست) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 12,951 جار هاتیە دیتن