دواڕۆژ، عیماد جەباری
بەیانی ئەمڕۆ سێشەممە 4ی تشرینی یەکەم، کۆگایەکی دەرمانی تەندروستی دەستی بەسەرداگیرا، ئاسایشی کەرکووکیش ڕایدەگەیەنێت "لەکۆگاکەدا 10 تەن دەرمانی ماوەبەسەرچوو دەستی بەسەردا گیراوە".
نەقیب فەرهاد حەمە عەلی، وتەبێژی بەڕێوەبەرایەتی ئاسایشی کەرکووک، تایبەت بە دواڕۆژی ڕاگەیاند "لەگەڕەکی ئەڵماس هێزەکانی ئاسایش دەستیان بەسەر کۆگایەکی دەرماندا گرتوە کە بڕی 10 تەن دەرمانی ماوە بەسەرچووی تەندروستی تێدایە و بەسەر دەرمانخانەکانی شارەکەدا ساغیکردوەتەوە".
وتیشی "ئەو کۆگایەی دەستی بەسەردا گیراوە یەکێکە لە کۆگا سەرەکیەکانی کەرکووک کە دەرمان لەشاری بەغداوە دەهێنێت".
راشیگەیاند "خاوەن کۆگاکە کوردە و لەلایەن ئاسایشەوە دەستگیرکراوە و لەئێستادا سەرقاڵی لێکۆڵینەوەن لەگەڵیدا".
ئەو ئەفسەرەی ئاسایش ئاماژەی بەوەدا "2 تەن دەرزی دوپشکی ماوە بەسەرچوی تێدایە کە لەهیچ نەخۆشخانەیەکی کەرکووکدا دەستناکەوێت و دەیویست لەدەرمانخانەکاندا ساغیبکاتەوە".
- 04-10-2016
ئەڤ بابەت ب زمانا (کوردیی ناوەڕاست) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 6,057 جار هاتیە دیتن
ڕایا خو دەربارەی ڤی بابەی بنڤێسە!