دوایین وەسیەتی محەمەدی مەلا کەریمی مودەڕیس لەسەر زاری #یاسین قادر بەرزنجی# کە هاوەڵێکی نزیکی نوسەر و ڕووناکبیر محەمەدی مەلاکەریمە.
یاسین قادر بەرزنجی کە هاوڕێیەکی نزیکی محەمەدی مەلاکەریمە، لە بارەی کۆتا وەسیەتی مەحەمەدی مەلاکەریم پێش مردنی بە NRT2یبە گوێرەی ئەو وتانەی کە من لە خێزان و منداڵەکانی محەمەدی مەلاکەریمەوە بیستوومە، پێش مردنی داوای کردووە کە لە تەنیشت گۆڕەکەی گۆرانی شاعیرەوە بینێژن، چونکە گۆرانی شاعیر هاوڕێیەکی نزییکی بووە، و یارمەتدەرێکیشی بووە لە کاتی لێکدانەوەی دیوانی مەحویدا.
هەروەها یاسین قادر بەرزنجی ئاماژەی بەوەش کرد محەمەدی مەلا کەریم داوای کردووە کە #ئاڵای کوردستان# بدرێت بەسەر لاشەکەیدا، کە بە پێی زانیارییەکانی من ئەمە تەواوی وەستیەت و داواکارییەکانییەتی پێش مردنی
محەمەد کوڕی مامۆستا عەبدولکەریمی مودەریسە، لە ساڵی 1931 لە ناحیەی بیارە لەدایک بووە و زیاتر لە 50 ساڵ خەریکی نووسین و توێژینەوە بووە، خاوەنی چەندین نووسین و وەرگێڕانی زمانەوانی جۆربەجۆر بووە، محەمەدی مەلا کەریم یەکێکە لە نووسەر و بیرمەندە گەورەکانی عێراق و کوردستان، شەوی 11 لەسەر 12ی ئازار ساڵی 2017 لە شاری سلێمانی پاش ململانێیەکی زۆر لەگەڵ نەخۆشیدا کۆچی دوایی کرد، و بڕیارە لە مەراسیمێکدا محەمەدی مەلا کەریم ئەمڕۆ بەرواری 12ی ئازار لە مزگەوتی حاجی ئەحمەد ئەحە سور بەڕێ بکرێت بۆ گۆڕستان و بەخاک بسپێردرێت.