دواڕۆژ، عیسا عەبدولقەهار
بەپێی ئامارێکی #وەزارەتی ناوخۆ#ی هەرێم، لەمساڵدا زیاتر لە 190 کارمەندی پۆلیس بەهۆکاری جیا وازیان لەکارەکانیان هێناوە، ئەندامێکی لیژنەی ناوخۆی پەرلەمانی کوردستانیش دەڵێ ژمارەکە زۆر لەوە زیاترە.
بەپێی ئامارێکی وەزارەتی ناوخۆی هەرێم، لە ماوەی پێنج مانگی سەرەتای ئەمساڵ 191 پۆلیس وازیان لەکارەکانیان هێناوە، لەو ژمارەیە بەشێکیان دوورخراونەتەوە و خەڵکی تر لە شوێنەکانیان دانراون.
هەر بەپێی ئامارەکە، 132 پۆلیس خانەنشینکراون، بەڵام نەتوانراوە کەسی تر لە شوێنەکانیان دابندرێت.
لەبارەی وازهێنانی پۆلیس و کارمەندانی ناوخۆ، ئاواز حەمیدە فەندی، ئەندامی لیژنەی ناوخۆ و ئاسایش و ئەنجومەنە خۆجێییەکان لە پەرلەمانی کوردستان بۆ دواڕۆژ وتی بەپێی بەدواداچوونەکانمان، وازهێنانی کارمەند و پۆلیسی ناوخۆ زۆر لەو ژمارەیە زیاترە کە بڵاوکراتەوە.
لەبارەی هۆکارەکانی وازهێنانی پۆلیس و کارمەندانی ناوخۆ، ئەو پەرلەمانتارە وتی پاشەکەوتی مووچەی بەشێک لە هێزەکانی ناوخۆ و قەیرانی دارایی هەرێم، هۆکاری سەرەکی وازهێنانی کارمەند و پۆلیسە.
ئاماژەی بەوەشکرد کە چەندین جار داوایانکردووە چاو بە مووچەی پۆلیس و کارمەندانی ناوخۆ بخشێندرێتەوە و مووچەکانیان زیادبکرێت، چونکە بەوتەی ئەو پەرلەمانتارە بەهۆی نەبوونی پارە کارمەندانی ناوخۆ ناتوانن خەرجی ڕۆژانە بۆ خێزانەکانیان دابینبکەن.
08-06-2017
ئەڤ بابەت ب زمانا (کوردیی ناوەڕاست) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 4,473 جار هاتیە دیتن
ڕایا خو دەربارەی ڤی بابەی بنڤێسە!