دواڕۆژ، عیسا عەبدولقەهار
جێگری سەرۆکی لیژنەی وزه و سامانە سروشتییەکانی پەرلەمانی کوردستان ڕایدەگەیەنێت سەرەڕای قەیرانی دارایی و شەڕی داعش، بەڵام تائێستا کۆمپانیا گەورەکانی وەبەرهێنانی نەوت لە کوردستان کاردەکەن، ڕاشیدەگەیەنێت کوردستان دەتوانێت نزیکەی نیوەی پێداویستی وزەی تورکیا پڕبکاتەوە.
دڵشاد شەعبان، جێگری سەرۆکی لیژنەی وزه و سامانە سروشتییەکان لە پەرلەمانی کوردستان بە دواڕۆژی ڕاگەیاند هەرچەندە بارودۆخی دارایی هەرێم لە قەیراندایه و بەوهۆیەوە قەرزی کۆمپانیا نەوتییەکان وەکو پێویست نەدراوەتەوە، بەڵام سەرەڕای هەموو کێشەکان کۆمپانیا گەورەکانی بواری بەرهێنانی نەوت لە کوردستان بەردەوامن و تائێستا 25 کۆمپانیای گەورەی جیهانی سەرقاڵی دەرهێنان.
لەبارەی پاشەکشه و وازهێنانی چوار کۆمپانیای نەوت لە کوردستان، دڵشاد شەعبان وتی ڕاستە ژمارەیەک کۆمپانیا لە هەولێرو سلێمانی پاشەکشەیان کردووە، بەڵام وازهێنانیان کارێکی ئاساییه و سروشتی گرێبەستەکانیش وایە، چونکە هەولێرو دهۆک لە بواری نەوت دەوڵەمەندن، سلێمانی و هەڵەبجەش لە بواری غاز بۆیە ئه و کۆمپانیانە له و دوو شارە نەوتیان دەست نەکەوتووە یاخود بەوشێوەیە نەبووە کە چاوەڕێیان دەکرد، بۆیە ئاسایییە پاشەکشە بکەن.
ئه و پەرلەمانتارە، ئاماژەی بەوەشکرد کوردستان دەتوانێت نزیکەی نیوەی پێداویستی وزەی تورکیا پڕبکاتەوە، بۆیە چاوەڕوان دەکرێت پەیوەندی هەردوولا زیاتر بەهێز بێت.
لەبارەی ئه و 20 بلۆکە نەوتییە ئامادەکراوە بۆ وەبەرهێنانی نەوت، دڵشاد شەعبان وتی بەهۆی کارانەکردنەوەی پەرلەمان ناتوانین بەدواداچوونی زیاتر لەسەر ئه و بلۆکە نەوتیانە بکەین و ئاگادارنین، کە چ کاتێک دەستدەکرێت بە کارکردن له و بلۆکە نەوتیانە.
30-07-2017
ئەڤ بابەت ب زمانا (کوردیی ناوەڕاست) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 3,809 جار هاتیە دیتن
ڕایا خو دەربارەی ڤی بابەی بنڤێسە!