دواڕۆژ، زریان محەمەد
بەدەر لەوەی هەناردەی کاڵاکانیان دەکەن بۆ #سلێمانی#، زیاتر لە 150 کۆمپانیا ئێرانیی لقیان لە شارەکەدا هەیە، وەک ئەوەی سەرۆکی ژوری بارزگانی باسیدەکات.
سیروان محەمەد، سەرۆکی #ژووری بازرگانی و پیشەسازی# سلێمانی ئەمڕۆ یەکشەممە 6ی ئابی 2017 بە دواڕۆژی وت کۆمپانیا ئێرانییەکان لەگەڵ شاری سلێمانیدا بازرگانیەکی زۆریان هەیە، بەشێکی زۆری کۆمپانیاکانی ئه و وڵاتەش لە ڕێگەی بریکارەکانیانەوە لە سلێمانی مادە و کاڵاکانیان هەناردە دەکەن و کاری بازرگانی لەگەڵ بازرگانانی سلێمانی دەکەن.
وتیشی ئەو کۆمپانیایانەی کە لقی خۆیان هێناوەتە سلێمانی و لە ژووری بازرگانی تۆمارکراون، 167 کۆمپانیای ئێرانین کە خۆیان کارەکانیان لەبوارە جیاجیاکاندا ئەنجام دەدەن.
ئێران کە یەکێکە لە وڵاتانی دراوسێی هەرێمی کوردستان چەندین خاڵی سنوری بەمەبەستی بازرگانی لەگەڵ سلێمانی و شارەکانی تری هەرێم هەیە.
06-08-2017