قەتارێک پێشەنگی کەر بێت زوو لە قوڕێ دەچەقێ
قەتار واتە کاروان هەموو کاروانێک دەبێت سەر کاروانی هەبێت، پێشڕەوی قەتار دەبێت کەسێکی ئازاو چاونەترس و بوێر و شارەزای ڕێگاوبانان بێت و کات وساتی پشودان و وەڕێ کەوتن بزانێت و لەبارودۆخ و کەش وهەوا وورد ببێتەوە و بڕياری گونجاو بۆ دەرچوون يان دەرنەچونی کاروان دەربکات و هەموو ئەندامانی کاروانەکە بەسەلامەتی بگەيەنێتە شوێنی مەبەست کەواتە ڕابەر وسەرکردە دەبێت کۆمەڵێک خاسيەت و ئەدگاری بەرز و لێزانانەی هەبێت، هەندێکجار وارێک دەکەوێت کەسێک هيچ خاسيەتێکی سەرکردەيی نی يە و دەبێتە پێش قەڕەوێڵ و سەرکاروان ئينجا بەتەوسەوە و بە ئيديۆمەوە به و جۆرە سەرکاروانانە دەوترێت(قەتارێک پێشەنگی کەر بێت زوو لە قوڕێ دەچەقێ) واتە کاروانەکە يان کارەکە بە فەوتان دەدات يان بە(فەتارەت) دەبات.
ئەڤ بابەت ب زمانا (کوردیی ناوەڕاست) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 1,800 جار هاتیە دیتن