هەنگ
منداڵە ژیکەڵەکان
گوێم لێبگرن هەمووتان
با تاوێک بتاندوێنم
خۆمتان پێ بناسێنم
نازناوی ژینم هەنگە
ناوم جوان و قەشەنگە
زیندەوەرێکی وردم
بەڵام بەدەست وبردم
دەفڕم لەم چڵ بۆ ئەوچڵ
بۆنیان دەکەم گوڵ بە گوڵ
ماڵم لە مۆمخانەیە
ورد و خنجیلانەیە
هەم جێگای کارکردنە
هەم بۆ کاتی خەوتنە
کاری من زۆر سەنگینە
بۆ بەرهەمی هەنگوینە
پێشکەشتان دەکەم هەنگوین
سەرچاوەی خۆشی بۆ ژین
بۆ ساتێک خۆشی ئێوە
هەردەم بزەم لە لێوە
دەبا ئێوەش وەکو من
ئازا و وریا و چالاکبن
هەروەکو مۆم ڕووناک بن
دڵسۆزی گەل و خاک بن
ئەم هۆنراوەیە لە ژمارە(8) ی گۆڤاری (پەپولە) بڵاو کراوەتەوە، هەروەها مامۆستا(موحەمەد عەبدوڵا) ئاواز و موزیکی بۆ کردووە و بەکۆرس بە گۆرانی وتراوە.
پەرتووکی #خەیاڵی کۆترەکان#
#فەرهاد ئەحمەد بەرزنجی#[1]
ئەڤ بابەت ب زمانا (کوردیی ناوەڕاست - Central Kurdish) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 782 جار هاتیە دیتن
ڕایا خو دەربارەی ڤی بابەی بنڤێسە!