لە گوندێ دەماڵ و دوازدە ڕیش سپینه
ئیدیۆمی هاوشێوەی ئەمە هەیە وەکو (قادیانە، سەد ئاغا و یەک شانە، ئاوەدان بێ حەریر، هەر گوندێک و نۆ میر، گەڵناغاج خۆش گەڵناغاج، دوازدە ئاغا و یەک کرمانج، من میر و تۆ میر، ئەی کێ جێگامان بۆ داخا، شێخە دێیە کێ بەکێیە؟ شارەدێیە کێ بەکێیە؟) لێرەش لە گوندێکی دەماڵی، دوازدە ڕیش سپی لێیە، واتە ژمارەی ئەوانەی خۆیان بەبراگەورە و ئاغا و کەسی یەکەمی گوندەکە دادەنێن زیاترە لە ژمارەی ماڵەکانی گوندەکە، ئەوە بووە بە ئیدیۆم و بە گوندێک دەوترێت کە کەس کەس نەخوێنێتەوە و هەمووی هەر خۆی بە براگەورە و ڕیش سپی ئاوایی دابنێت.[1]