Navê pirtûkê: Dêrsım de diwayi, qesê pi-kalıkan, erf u mecazi, çıbenoki, xeletnayêni
Navê nivîskar: 1.Hawar Tornêcengi, 2. Munzır Comerd, 3. Mustafa Düzgün
Cihê çapkirina pirtûkê: Ankara
Navê çapxaneyê: Berhem
Sala çapê: 1992
[1]
Mılet ya qomê ke seweta xo u dostanê xo diwayi nêkenê, eke qarıyay zewtan nêdanê u mılqi nêkenê, cayê xo ke ame sond nêwenê u sondro nêdanê dina de era çımi ver nêkunê. Mordem çêr u tersonek o ya kı çımemırrd u pexıl o, zerrevêsayê u zerrehusk o, baqıl u bom (xêx) o, rındek u kıroxın o, zerrehira u zerreteng o, goneşirin u gonetal o... Axırê xêle xısletê mordemi u yê camatê mordemiye estê. Wastenê insanı cıre cıre yê u tım jê zuvin niye. Çıkê xo kemi yo, cırê ke motaz o, eyi wazeno u seweta biyayina eyi diway keno. Hal u tewrê insani, alaqatê wertê insanan, alaqatê insani be dina madi u manewi u hona tayê hal u şertê bini pêro piya raye danê tewr u hereketonê insani u camatê mordemiye. Axırê insani hem jûbini rê, hem ki tebiati rê reaksiyon musnenê. Helvet ya mısbet o, ya ki negatif o.
Vajime domanan zerrê ma u piyê xo kerdo wes, i nêmznê u qesa inan ra nêveciyê, ma u pi tım nê domananê xorê diway kenê. Çı ke çım u nezerê inan de mıqedes o, venga cı danê u cêrenêvero ke tım çêlçukê inan de yar bo, inan u az-uzê inan de xırabiye nêkero, inan u nasdostê inan vıleçewt nêkero u qeda-belayi inan ra duri fiyo... Ni qeseyê ke halê Heqi verocêrayine u çiyo bino mıqedeşi verocêrayine de seweta rındiya insani yênê vatene, ebe qesa diwa name benê. Mesela Heqo tı az u uzê