کەری بردە سەرکانی، کورتانی هێناوە بەشانی
لە ڕۆژی سەرما و سۆڵە و سەختی زستاندا ئەگەر بە کەرێ بچیت بۆ ئاوهێنان لەسەر کانی، ڕێگاکە بەستویەتی و له بەر زوقم و شەختەی، کەرەکە هەڵدەخلیسکێت و هەڵدەدێرێت به و هۆیەشەوە دەتۆپێت و ناگاتەوە ماڵ، کابرای خاوەن کەرەکە بەناچاری کورتانەکەی بەشانی دەباتەوە بۆ ماڵەوە، هەڵبەت ئه و پەند و بەسەرهات و ئیدیۆمە پەیوەندی بە حسابگرەوەکانەوە هەیە لە وەرزی زستان ئەگەر لە کوردستان لەماوەی ڕۆژدا بارانێکی زۆر ببارێت و شەویش بیکاتە ساماڵ و سایەقە ئەوا ئه و تەڕایی و ئاوەی لەماوەی ڕۆژدا باریووە لە ڕێگا و گۆمەکاندا بەهۆی نزمبوونەوەی پلەکانی گەرما بۆ خوار پلەی ئاوڕەنگ یەکسەر دەبێتە زوقم و شەختە، بۆیە وتویانە: ئەگەر بتەوێت کوردان بکەی قڕ، بە شه و ساماڵ و بەڕۆژ هەوری پڕ، ئیتر حاڵەتی کەر بردنە سەرئاو(سراو) بۆ هێنانی ئاو له و سەروبەندەدا بووە و کەرەکە تیاچووە و تۆپیووە بۆیە بەناچاری کۆپاڵ و کورتانەکەی بەشانی دەبرێتەوە ماڵەوە وتراوە: کەری بردە سەرکانی، کورتانی هێناوە بەشانی.[1]
ئەڤ بابەت ب زمانا (کوردیی ناوەڕاست) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 1,167 جار هاتیە دیتن