ناو: مەحمود
نازناو: خولەی حاجی
ناوی باوک: محەمەد
ساڵی لەدایکبوون: 1931
ساڵی کۆچی دوایی: 2004
شوێنی لەدایکبوون: #سلێمانی#
$ژیاننامە$
مەحمود حاجی محەمەدی ئابڵاخ ناسراو بە خولەی حاجی لە ساڵی 1931 لە شاری سلێمانی لە دایکبووە، لە ماوەی تەمەنیدا وەک کەسایەتیەکی کورد پەروەر ڕۆڵ و خزمەتێکی بەرچاوی لە بواری کۆمەڵایەتی و سیاسیدا بەخشیوە بە وڵاتەکەی و شاری سلێمانی بە تایبەتی، یەکێک بووە لە ئەندامە چالاکەکانی ڕێخراوی (کاژیک)، لە ساڵانی شەست و حەفتاکان دا بەرامبەر سەرای سلێمانی تەنیشت ئوتێل مەولەوی، ئەو شوێنەی ئێستا کتێب فرۆشەکانی لێیە، خاوەنی غەسلێک بووە بەناوی (غەسلی گۆیژە) کە زۆربەی کات خۆی لەوێ دادەنیشت و ببووە شوێنی کۆبونەوەی کەسایەتیە گرنگ و ناودارەکانی شار، وە ماڵیشیان لە گەڕەکی سەرشەقام بوو، هەروەها پەیوەندیەکی زۆر باشیشی هەبوو لەگەڵ ئەدیب و هونەرمەندەکانی
ئەو کاتەی سلێمانی وەکو حەمە ساڵح دیلان، مەحمود تۆفیق شلک، وە لە ساڵی 2004 لە تەمەنی 73 ساڵیدا کۆچی دوای کردوو و لە گۆڕستانی ئابڵاخ بە خاک سپێردراوە.[1].