مەکتەبی سیاسی #یەکێتیی نیشتمانیی کوردستان# بە بۆنەی ساڵیادی دامەزراندنی (پیوکەی میدیا) ئاژانسی ڕەسمی یەکێتی، پەیامێکی پیرۆزبایی ئاڕاستەی سەرنووسەر و میدیاکارانی کرد و هیوای سەرکەوتنی زیاتریان بۆ دەخوازێت.
$دەقی پەیامەکەی مەکتەبی سیاسی ی.ن.ک:$
بەرێزان سەرنووسەر و میدیاکارانی پیوکەی میدیا، لە ساڵیادی دامەزراندنی وێب سایتەکەتاندا گەرمترین پیرۆزباییتان لێدەکەین.
لە ماوەی چەند ساڵی کارکردنتاندا توانیوتانە لەنێو کاروانی میدیای ئەلەکترۆنیدا بە گەیاندنی هەواڵی ڕاست و بابەتی سەنگین وەک سەکۆیەکی پیشەییانەی پابەند بەئیتکی ڕۆژنامەگەریی بناسرێن، ئەم هەوڵە سەرکەوتوانەیشتان جێگەی دەست خۆشی و مایەی شانازیی هەمووانە.
هەر لەم بۆنەیەدا هیوای سەرکەوتنی زیاترتان بۆ دەخوازین لەو هەنگاوانەی لە نوێگەری لایەنە جیاجیاکانی وێب سایتەکەدا گرتونانەتەبەر و لە پۆلێن و ڕیزبەندی ماڵپەر و سایتەکانی هەواڵدا لە پێشەنگیدا بتانبینین. [1]
مەکتەبی سیاسی
یەکێتیی نیشتمانیی کوردستان