قوربانەو خوڎای بوو، وېس و پەنج هارگێ خامۊشۍ کەرۊ و تۊ نیشی یاگېشا.
جافر سان خاوەنو وېس و چوارکوڕا بېیەن، هەر یۊشان دەسەڵاتدارو ناوچێوە بېیەن و خاوەنو دیوەخانو وېش بېیەن، چەرخ چەرخیا و ڕوزگار پاسە گېڵا کە دەسەڵاتشان نەمەن، کابرێوە بە نامۍ مسەفا بەگ (مچە سوور) ی کە بە حیساب قۆمو جافر سانیەن، چاگە مەنۊوەو ئاوارە نمەبۊن، یانی وەرو لېشاوەو ئاوارەیی نمەگنۊ، مچەسوور کابرێوە ژەنانی بېیەن، ڕوێشا دلۍ بازارینە، قاچش هۊرگنۊ و گلېرۊ، جیای ئانەی واچۊ (یااللە) ، ماچۊ (وی) ، چا وەختەنە کابرێوە بە نامی (ئەلە زلەی) پاڵشەنە بۊ، گۊشش چەنەبۊ، ماچۊ:
مچە، واچوو چېش دەسو هەرمانا خوڎایۆ، وېس وپەنج هارگێ کۊرۍ کەرۊوەو تۊ یاگۍ هارگێنە جیامازۊ.[1]