ناونیشانی بابەت: ھەوکردنی چاو لە منداڵاندا
ئامادەکردن: د. #گەوهەر سەمەد#
ئەم نەخۆشییە بڵاوە بەتایبەتی لەمنداڵانی باخچەی ساوایان و قوتابخانەکان، کە ھۆکارەکەی ڤایرۆس یان بەکتریایە و بەئاسانی لەنێوان منداڵان بڵاو ئەبێتەوە.
$نیشانەکانی:$
- لەناکاو منداڵ چاوێکی سوور ئەبێت یان ئەخورێت وئە ئاوسێت و چاوی ئاو پێیدا دێتەخوارەوە یاخود ئیفرازاتی زەرد (ڕەنگە ھەردوو چاویشی بگرێتەوە)
$چارەسەر:$
- پێویستە پێش ھەموو شتێک دایک و باوک کە بینی منداڵەی چاوی ھەوکردنی ھەیە نەینێری بۆ قوتابخانەو مامۆستاکان ئاگاداربکاتەوە، بۆئەوەی بڵاو نەبێتەوە.
- چاوی منداڵەکە پاک ڕابگرن و ئەو ئیفرازاتە یان دەردراوە زەردە جوان پاک بکرێتەوەو نەھێڵیت منداڵەکە دەستی لێبدات یان چاوەکانی بخورێنێت.
- کە چاویش پاک ئەکەیتەوە ھەرچاوەو شاش یان لۆکەی تایبەتی بەجیا بۆ بەکاربھێنی و بەیەک پارچە ھەردوو چاوەکە پاک نەکەیتەوە.
- پێویستە بەبێ پرسی پزیشک، لەخۆ وە ھیچ قەترەو مەرھەم بەکارنەھێنرێت چونکە بەپێی جۆری ھەوکردنەکە (ڤایرۆس ، بەکتریا، یان ھەستیاری) چارەسەرەکە ئەگۆڕێت. [1]