ناونیشانی بابەت: گرووپێکی خۆبەخش پەڕتووک دەبەخشنە دامەزراوە حکوومییەکان
لەژێر ناونیشانی (کاروانی بەخشینمان بەردەوامە) گرووپێکی خۆبەخش لە دەڤەری #سۆران# هەڵمەتێکی بەخشینی پەرتووکیان دەست پێکردووە.
هەژار سوورچی کە چالاکوانێکی دەڤەری سۆرانە و سەرپەشتی ئەو گرووپە دەکات، لە لێدوانێکیدا بۆ (باسنیوز) ڕایگەیاند: لە دوایین چالاکی گرووپەکەمان هەڵساین بە بەخشینی زیاتر لە 200 گۆڤار و پەرتووکی جۆراوجۆر کە زۆرینەیان پەرتووکی یاسایی بوون، بە پەڕتووکخانەی گشتی زانکۆی سۆران، لەلایەن ڕاگری فاکەڵتی یاسا د. هیمداد و دەستەی پەڕتووکخانەی گشتی زانکۆی سۆران پێشوازیمان لێکرا، خۆشحاڵی خۆیان دەربڕی و سوپاس و پێزانینیان ئاڕاستەی گرووپی خۆبەشی کرد.
وتیشی: بۆ ئەم جۆرە کاروچالاکییانە، کە خۆنەویستانە و خود بەخشی کۆمەڵە گەنجێک خزمەت بە تاک و کۆمەڵگەی کوردی دەکەن و گرووپی خۆبەخشی، پێکهاتووە لە چەند توێژێکی جۆراوجۆر و خاوەن زانست و ڕۆشنگەریی و کاری مرۆیین، ئامانجمانە کۆمەڵگە بەخوێنەربوون و خوێندنەوە بە کولتوورکردن بکەین، دەمانەوێت ئاشنایی لەنێوان پەرتووک و فێرخوازان درووست بکەین و خزمەت بە ڕەوتی خوێنەران بکەین.[1]