وەنە تەقۍ

وەنی یوەنە جە بەرهەمە کویلەکا، درەختەکەیچش ویېڕسک کەشەکاوە مزیوۊ، درەختێ باڵا بەرزەن و سەیەیچش وەش هەنە، پایېزەنە تەمو ساقەکەیشۆ وېژەنش چەنە گېریۊن، سەمەرەکەش دلیېڕاسەو وەرزو وەهارینە بە یەریۍ قوۊناغۍ پەنە یاوۊ:
- سەوزە ۋەنی.
- ۋەنە تەقۍ.
- کەوە ۋەنی.
ئیدیۆمێما هەن ماچا: ۋەنی کەوە مەکەرا.
بە ماناو ئانەی ئەر کەسێ وېش نەڎابۊ دەسۆ و ستمش گېرتەبۊ، پېسەو لۊقەتێوە پەنەشا واتەن: دەی خەم، ۋەنی کەوە مەکەرا.
پا مانێ: ئەر تۊیچ نەی، یام ئا هەرمانۍ نەکەری خۊ ژیوای مەمردۊنە و کەس پەکەش نمەگنۊ.
ۋەرو ئانەیەەە ئینامۍ وەرزو یاوای وەنانە، جۊری دوەم یاگۍ باسیمانە.
وەنە تەقۍ:
ئا وەنېنۍ هەکە نە کاڵۍ تەمامېنۍ و نە تەمام پەنە یاوێنۍ، هەکە دەمەنە بە ئاسانی نەمەڕیا، بڕېشا دوۍ ڕەنگۍ مرمانا: دیمێشا سەوز، دیمەکەی تەرشا سوری کاڵ، ئڼە ناسکېنۍ، بە ئاسانی موریا، وەختو واردەیشانە دلۍ دەمینە تەقێوە کەمشا چۆوە مێ و عەزیەتو دڎانایچ نمەڎا، نامەکېچشا حەر چا تەقەیۆ ئامێنە.
فەرهەنگو ئېمەنە پەی وەشکەردەی تام و بۊیش مەکریا دلۍ دۊی، چەنی گرڎ چەمچېوە دۊیچ، یەرۍ چوار دڼۍ وەنە تەقېچش چەنی مەوریا، هەم تام و بۊ دۊکەی وەشکەرا و هەم بۊ و بەرامەو دەمیچ.[1]