دەردەو دڵی، پەی چېرو گڵی
فرۍ هەنۍ کە بە دڵ عاشقۍ مەبان، مەسۊچان، ژەنی پەی پیای، هەم پیا پەی ژەنی، بەڵام چی دنیانە چوونکوم ئازاڎۍ نېیەنۍ، چوونکوم یاوای بە مەعشووقی نېیەن دەسو عاشقینە، ئیتر بە ناچاریۍ ئا گردو ئاواتا دلۍ دڵیشانە مازاوە، هۊرش مەگېران پەی قیامەتی، گردی مەبەران پەی چېرو گڵی، یان خوڵۍ.
هەر پېسە وەلی دېوانەی شاعیری، دمای عەشقێ پاکی و نەیاوایش بە (شەم)ۍ، دېوانە ئاسا داش کەش و کۊ، هەر ئانەش پەی مەنۆ کە بە دڵێ مەڕیاوە بواچۊ:
واڎەو من و تۊ دیوانو خوڎای بۊ
مەر من جەو دیوان دادم ڕەوا بۊ
وەرنە ها ئیسە تۊ بە سڵامەت
با ئی هەقەو من بگنۊ قیامەت.
پارېزنای پەنهانیەکا شەرت نېیەن تەنیا دلی دنیاو عەشقینە بۊن، ڕەنگە پېوەنیشان بە ژیوای ڕوانەو کەسەکاوە بۊن، بڕێ کەسۍ ئەمانەت پارېزۍ هەنۍ کە ئانەی ئینان لاشاوە مەر گڵۍ پەنەشان بزانۊ، هەرگیز پەی کەسیش ئاشکەرا نمەکەران، درکنایشا بە هەرمانێ خرابەو دوور جە ئایینیە مزانان.[1]