ناونیشانی بابەت: هۆکارەکانی قژ وەرین لە منداڵان
ئامادەکردن و نووسین: د. #گەوهەر سەمەد#
بۆ وەرینی قژ، لە دوای تەمەنی چەند ساڵ پێویستە سەردانی پزیشک بکەیت بۆ دۆزینەوەی ھۆکارەکە و زوو چارەسەرکردنی، چونکە ڕەنگە نیشانەی زۆر نەخۆشی بێت.
=KTML_Bold=ھۆکارە باوەکان:=KTML_End=
- کەمخوێنی چونکە وادەکات ئۆکسجینی کەمتر بۆ قژ بڕوات.
- کەمی ڤیتامین و کانزاکان وەکوو ڤیتامین دی ئاسن و زینک.
- ھەوکردنی پێستی سەری منداڵ.
- تووند بەستینی قژ (تکایە زۆر وریای ئەم خاڵە بن).
- نەخۆشی غودە و بەکارھێنانی ھەندێک دەرمان.
- ھۆکاری دەروونی..ھتد.
=KTML_Bold=قژ وەرینی منداڵی تازە لەدایکبوو:=KTML_End=
قژ دەست بە وەرین دەکات لە تەمەنی 2-3 مانگی تاکوو نزیکەی 6 مانگی دوای ئەوە بەشێوەیەکی سرووشتی قژ درووست دەبێتەوە و جێگای مەترسی نییە، ھۆکاری ئەم وەرینە:
- نەمانی ھۆرمۆنەکانی دایک لە منداڵەکە.
- منداڵ زۆربەی کات لەسەر سەرینە ئەمەش وادەکات ئەو قژە لاواز بێت و بوەرێت بۆیە ئەگەر سەرنجتان دابێت زۆربەی جار منداڵ تەنیا لە بەشی پێشەوەی سەری پرچی ئەمێنێت ئەوانی تر ھەمووی ئەوەرێ. [1]