شاندێکی #حکومەتی هەرێمی کوردستان# سەردانی بەغدا دەکات و لەسەر پرسی بودجە و مووچە لەگەڵ سەرۆکوەزیرانی ئێراق کۆدەبێتەوە.
بڕیارە سبەی دووشەممە ڕێکەوتی #27-11-2023#، شاندێکی باڵای حکومەتی هەرێمی کوردستان بە سەرۆکایەتی د. ئومێد سەباح سەرۆکی دیوانی ئەنجوومەنی وەزیرانی هەرێمی کوردستان سەردانی بەغدا بکات.
میدیاى پارتى لە زارى سەرچاوەیەک بڵاویکردەوە، شاندەکە لە بەغدا لەگەڵ محەمەد شیاع سوودانی سەرۆکوەزیرانی ئێراق دەبێتەوە.
سەرچاوەکە ئاماژەی بەوەشدا: تەوەرەکانی کۆبوونەوەکە تایبەتە بە شایستەدارییەکانی هەرێمی کوردستان و جیاکردنەوەی مووچەی فەرمانبەرانی هەرێمی کوردستان و ناردنی بۆ حکومەتی هەرێمی کوردستان بۆ دابەشکردن بەسەر فەرمانبەراندا، بابەتێکی دیکە هەموارکردنەوەی یاسای بوودجەی ئێراقە.
ئەمە لەکاتێکدایە هەرێمی کوردستان دەیەوێت شایستە داراییەکانی هەرێمی کوردستان لە ئینفاقی فیعلی جیا بکرێتەوە و مووچەی مووچەخۆران بە سیاسی نەکرێت. [1]