لە درێژەی یارییەکانی پاڵەوانێتی گۆڕەپان و مەیدانی ئێراق و لەسەر ئاستی یارییەکانی کچان، پێشمەرگەکان چەندین ئەنجامی کاریگەریان لە پایتەختی ئێراق بەدەست هێنا و میدالیا ئاڵتونەکانیان لە دەست نەدا.
لە یاری سێ باز و وەک هەمیشە #چاوان بەهادین#ی پاڵەوان توانی پلەی یەکەم بەدەست بهێنێت و نەورۆزی دەستە خوشکیشی دووەم بوو.
ئەمە و لە یاری ڕاکردنی ماوە درێژ بۆ 1500 مەتر ئامال خزر پلەی یەکەمی بەدەست هێنا و ڕەنا بەرەکات-یش دووەم بوو، هەرچی لە یاری 5000 مەتر بوو دووبارە ڕەنا بەرەکات توانی دووەم بێت و میدالیایی زیوی وەرگرت.
هەروەک لە یاری 4 × 400 مەتر پۆستەی کچان بوو دووبارە کچانی پێشمەرگە توانیان بێ ڕکابەر لەنێوان چواریانە پلەی یەکەم بەدەست بهێنن و نازناوەکەیان لە دوایی 6 ساڵ بۆ خۆیان یەکلاکردەوە کە ئەو یارییە لە پڕۆگرامەکانی پاڵەوانێتییەکانی یەکێتی گۆڕەپان و مەیدانی ئێراق دەرکرا بوو.[1]