پاش بەشداریان لە پاڵەوانێتی یانە نایابەکانی ئێراق و پیشان دانی ئاستێکی بەرز لەو پاڵەوانێتییەدا، یەکێتی ناوەندی تێنسی سەر زەوی ئێراق قەڵغانی یەکێتییەکەی بەخشییە یانەی وەرزشی پێشمەرگە.
لە مەراسیمێکی شایستەی وەرزشی و بە ئامادەبوونی سەرۆکی یەکێتی تێنسی سەر زەوی ئێراق و ئەندامانی خەڵاتی ڕێزلێنان و قەڵغانی یەکێتی ناوبراو بەخشرایە ئەو یانانەی بەشداری لە خولی نایابی یانەکانی ئێراق دەکەن و ئاستێکی بەرزیان هەبووە.
سەبارەت بە وەرگرتنی ئەو خەڵاتە، ئالان سەلام ڕاهێنەر و یاریزانی تیمی تێنسی سەر زەوی یانەی پێشمەرگە تایبەت بە پێشمەرگە سپۆرتی ڕاگەیاندوو وتی، ئەم وەرزە قۆناغە بەهێزەکانی پاڵەوانێتی تێنسی سەر زەوی ئێراقمان بەبەهێزی تێپەڕاندوو توانیمان ئاستێکی ناوازە و هونەری پیشان بدەین لەگەڵ هەردوو یاریزانی هاوڕێم (ڕۆژین ئەکرەم و ڕەنجدەر فایەق).
ئالان ئەوەشی نەشاردەوە کە یانەکەیان، یانەی وەرزشی پێشمەرگە تەواوی پاڵپشتیان کردوون و هەر بۆیە لە شاری #بەغدا# پێزانینیان پیشان داوە بۆ یانەکەمان بە بەخشینی قەڵغانی ڕێزلێنان، ناوبراو وتیشی، بە سوپاسەوە قەڵغانەکەمان بەخشییە بەڕێز حاکم #مەحمود ئەحمەد موراد#ی جێگری سەرۆکی یانەی پێشمەرگە و ئەندامانی دەستەی کارگێڕی کە هاوکارمانن لە بەشداریکردنمان لەو پاڵەوانێتییە بەهێزەدا کە باشترینەکانی ئێراق تێیدا ڕکابەرن. [1]
ئەڤ بابەت ب زمانا (کوردیی ناوەڕاست) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 254 جار هاتیە دیتن
ڕایا خو دەربارەی ڤی بابەی بنڤێسە!