کورد دلۍ چەرخەکا تاریخینە
بەشۍ: دوەسەڎ و شەسهەمە
نویستەی: #هاوڕێ باخەوان#
ساڵەو (1915ز.):
* مانگەو (05) ئی ساڵېنە چن ڕوەداوێ قۊمیێنۍ پی تەرزە:
* سەرهۊردێوە خېزیان جە بۆتان، دژو تورکی.
* سەرەتاو ئی مانگېنە، عەبدولڕەزاق بەدرخان و تەیموور خان پارېزگارو (خوی) و چن سەردارێ کوردی بە دەسو ڕووسەکا گېریێ و دماتەر ڕەوانەو جولڤەیشا کەردۍ جە ڕووسیا. عەبدولڕەزاق بەدرخان دمای چن ڕوێ بەرەڵڵاکریا و دماتەر ڕەوانەو تەفلیسی کریا، تاکو چاگە پەرس و جوابش وەنەبکەران.
* ڕووسەکۍ ناوچەو (وان)یشان داگیرکەرد.
* تاریخو (#11-05-1915#ز.) ڕووسەکۍ شارو (ورمێ)شان داگررکەرد.
* تاریخو (#15-05-1915#ز.) تیپو یەرۍ قۆزاقی ڕووسی بە سەرداری زابایکالیسکی، کوشت وبڕو شارو مەهابادیشان کەرد.
* تاریخو (#15-05-1915#ز.) وەرکۆتئەشناسەکۍ ڕووسی کۊنیشتێشان بەست، دلېشەنە مینۆڕسکی وتارێش سەرو جوگرافیاو کوردەسانی واناوە.
* تاریخو (#19-05-1915#ز.) ناوچەو شنۆی بە دەسو هېزەکانو ڕووسی داگیرکریا.
* تاریخو (#25-05-1915#ز.)هېزەکانو ڕووسی شارو (ورمێ)شان داگیرکەرد.
* تاریخو (#28-05-1915#ز.) ڕووسەکۍ شارو (سابڵاخ_ مەهاباد)یشان داگیرکەرد.
* تاریخو (#31-05-1915#ز.)ڕووسەکۍ شارو (شنۆ)یشان داگیرکەرد.
[1]