ناونیشانی بابەت: خۆ بە کەمزانینى منداڵ
ناوی نووسەر: #لەیلا بەرزنجی#
زۆرێک لەدایک و باوکان دەیانەوێت منداڵەکانیان ئاوابێت کە دەوروبەر دەیەوێت نەک ئەوەی کە منداڵەکە خۆی چۆنە ئەمەش دەبێتە هۆی هەستکردن بەکەمایەتی و پشتبەستن بەکەسانی تر و نەدانی بڕیاری گونجاو یاخود ئەوکارانەی کە دەیەوێت بیکات دەبێت کەسەکانی دەوروبەری بڕیاری بۆ بدەن چونکە ناتوانێت بەگوێرەی ویستی کارەکان بکات، ئەم خۆبەکەمزانینە بەردەوام دەبێت و لەگەڵیدا گەورە دەبێت ناتوانێت وەک کەسێکی کامڵ هەڵسوکەوت بکات چونکە تاقیکردنەوەکانی کە دێتە پێشی کاریگەریی لەسەر دەروونی درووستکردووە هەرچەندە زۆرجار منداڵ تووشی پێ هەڵخلیسکان دەبێت پێویستە خۆی بڕوات و بەربەستەکانى بەردەمی خۆی تێپەڕێنێت نەک ئەزموون و کاری کەسانی تر تاقیبکاتەوە. پێویستە لەسەر دایک و باوک شەرم نەکەن لە هەڵەی منداڵەکانیان لە بەردەم خەڵکدا، چونکە منداڵ دەیەوێت خۆیبێت و شتەکانی دەوروبەری تاقیبکاتەوە، هەندێکجار دایبابان منداڵەکانیان دەشکێننەوە بەوەی کە نمرەیەکی وەک پێویست نەهێنێت یاخود نەتوانێت پلەی دەرچوون بەدەست بهێنێت ئەوا دەکەونە سەرزەنشت کردنی و شکاندنەوە، بە جۆرێک کەسەکانی هاوتەمەنی خۆی زۆر لا گەورە دەبێت و باوەڕی بەخۆی نامێنێ و ڕەنگە ببێتە هۆی سەرنەکەوتنی و بڕینی قوناغەکانی خوێندنی، تا ئەو ڕادەیەیی وایلێدێت قوتابخانە بەجێدەهێڵێت و لە گۆشەیەکی ماڵەوە ژیان دەکات هەرچەندە زۆر جار منداڵ توانا شاراوەکانی دەرنەخستوە و هیچ کەسێک دەستی نەگرتووە هەتا خۆی پێبگەیەنێت لە دوای شکستی قوتابخانە لەمەشیان شکست دەهێنێت و ئیتر هیچ ویست و ئارەزوویەک بوونی نامێنێ، لەبەر ئەوەشە داوا لە دایە و بابان دەکەین لێبگەڕێ منداڵەکەت با خۆیبێت با خۆی ویستەکانی هەڵبژێرێت و زەمینەسازی بکە بۆ توانا شاراوەکانی، لە کاتی شکست پشتی بگرە هەوڵبدە ڕێگەی ڕاست بدۆزێتەوە با ئەوەبێت کە خۆی دەیەوێت نەک ئەوەی کەسەکانی چواردەوری یاخوت تۆ دەتەوێت. [1]
ئەڤ بابەت ب زمانا (کوردیی ناوەڕاست) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 49 جار هاتیە دیتن
ڕایا خو دەربارەی ڤی بابەی بنڤێسە!