بە مەبەستی ئامادەکاری بۆ خولەکانی کوردستان و ئێراق، سەرپەرشتیاری گشتی تیمی تۆپی پێی #یانەی وەرزشی پێشمەرگەی سلێمانی# و دەستەی ڕاهێنەران کۆبوونەوەیەکی فراوانیان ئەنجام دا.
لەنێو بارەگەی یانەی وەرزشی پێشمەرگە و بە ئامادەبوونی #وسام محەمەد بازگ# سەرپەرشتیاری گشتی تیمەکانی تۆپی پێی یانەی پێشمەرگە و سەرپەرشتیارانی کارگێڕی و هونەری و ڕاهێنەران کۆبوونەوەی دەستەی سەرپەرشتیار و ڕاهێنەران بەڕێوەچوو کە تێیدا تاو توێی چەندین تەوەر کرا.
سەرەتا بە خوێندنەوەی ڕاپۆرتی وەرزی ڕابردوو کۆبوونەوەکە دەستی پێ کردوو هەروەک باسێک لە چالاکییەکانی فێرگەی پێشمەرگە کراو دواتر و پێشنیاز و دانانی بەرنامەی نوێ بۆ وەرزی نوێ باسی لێوە کرا و هەروەک سەرپەرشتیاری گشتی ڕێنوێنی دەستەی سەرپەرشتیاران و ڕاهێنەرانی کرد کە پلانی تۆکمە بۆ برەودان و بەرەو پێشوونی ئاستی فێرگەکە دابڕێژن و بەشداریانی لە خولەکانی شاری سلێمانی و کوردستان و ئێراقیشدا بە گرنگ زانی تا ئاستی یاریزانانی تەمەنە جیاوازەکانی فێرگەی یانەی وەرزشی پێشمەرگە برەوی پێبدرێت و سوود لە یارییەکانی خولەکان ببینرێت.
لە کۆتایی کۆبوونەوەکەشدا سەرپەرشتیارانی فێرگەکە و ڕاهێنەران سوپاسی وسام محەمەدی سەرپەرشتیاری گشتی و دەستەی کارگێڕیان کرد بۆ تەواوی پاڵپشتییەکانیان و دوپاتیان کردەوە کە بۆ بەرەوپێشچوونی ئاستی فێرگەی یانەی پێشمەرگە پێشمەرگە ئاسا کار دەکەن و ئەنجام و دەست کەوتەکانیش شاهیدی ئەوە دەدەن کە فێرگەی پێشمەرگە بووەتە قوتابخانەی پێگەیاندنی چەندان یاریزانی ئاست بەرز بۆ ئاستەکانی لاوان و پێشکەوتوانی یانەکەیان.[1]