لێپرسراوی ئۆپەراسیۆنی هێزەکانی 70 و بەرپرسی میحوەری داقووق ڕای گەیاند، تەنیا لە ماوەی 4 مانگی ڕابردوودا 178 چەکداری داعش لە سنوورەکەدا کوژراون.
محەمەد حاجی قادر، لێپرسراوی ئۆپەراسیۆنی هیزەکانی 70 و بەرپرسی میحوەری داقووق بە (باسنیوز)ی ڕاگەیاند: چەکدارانی داعش جموجۆڵیان لە سنوورەکانی هێزی پێشمەرگەدا هەیە و ناوە بە ناوە بە قەناس و ماتۆر سکیل خۆیان لە ئێمە نزیک دەکەنەوە و تەقە دەکەن، هەرچەندە وەک پێشتر بەهێز نین، بەڵام ناکرێت دوژمن بەکەم سەیر بکریت، بۆیە ئێمە بەردەوام لە حاڵەتی ئامادە باشیداین.
لێپرسراوی ئۆپەراسیۆنی هیزەکانی 70 و بەرپرسی میحوەری داقووق ئەوەشی خستەڕوو مەودایەکی کەم لە نێوان داعش و هێڵەکانی بەرگریی هێزی پێشمەرگە هەیە، لە هەندێک شوێن 3 کیلۆمەتر، هەندێک شوێنی دیکەش تەنیا 2 کیلۆمەتر داعش لە سەنگەرەکانی پێشمەرگەوە دوورن، هێمای بۆ ئەوەش کرد کە بەردەوام لەگەڵ هێزەکانی هاوپەیمانان لەسەر هێڵن، هەروەها بە هاوکاریی فڕۆکەکانی هاوپەیمانان توانراوە ژمارەی چەکدارانی داعش لە سنوورەکە کەم بکرێنەوە.
15-05-2017

دەقی پەیامەکەی #مەسرور بارزانی#:
پەلاماردانی جووتیارانی کورد لە سنووری شارۆچکەی #داقوق#-ی سەر بە پارێزگای #کەرکووک#، مایەی ئەوپەڕی نیگەرانییە. داوا لە بەڕێزان سەرۆک کۆماری عێراق و سەرۆک وەزیران و سەرۆکی ئەنجوومەنی نوێنەرانی فیدراڵ دەکەم بە پەلە کۆتایی بە پەلاماردان و دەستدرێژیکردنە سەر جووتیارانی کورد لە سنووری داقوق و ناوچەکانی دیکەی کەرکووک بهێنن، کە لەلایەن کەسانی دەستڕۆیشتووەوە ئەنجام دەدرێت و بە شێوەیەکی نایاسایی هەوڵی دەرکردنی کورد و دەستبەسەرداگرتنی زەویەکانییان دەدەن.
ئەم ڕەفتارانە دژی بنەماکانی بەیەکەوەژیانی ئاشتییانە و بڕگەکانی ماددەی 140ی دەستووری هەمیشەیی عێراقن و پێویستە دەزگا پەیوەندیدارەکانی حکومەتی فیدرال ، سنوورێک بۆ ئەم پێشێلکارییانە دابنێن.
مەسرور بارزانی
سەرۆکی حکومەتی هەرێمی کوردستان
2022/12/7[1]

تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

یەکێتی جارێکی تر دانانی قائیمقامی عەرەب بۆ #داقووق# ڕەتدەکاتەوە و هۆشداریش دەدات ئەگەر ئەو بڕیارە جێبەجێ بکرێت هەڵوێستی تووندی دەبێت.
سەبارەت بەپیلانێکی پارێزگاری سەپێنراوی #کەرکووک# بۆ دانانی کەسێک لەپێکهاتەی عەرەب بۆ پۆستی قایمقامی شارۆچکەی داقووق کەپشکی کوردە، مەڵبەندی 18ی ڕێکخستنی ڕۆژهەڵاتی کەرکووکی #یەکێتیی نیشتمانیی کوردستان# لە ڕاگەیاندراوێکدا هۆشداری تووند دەدات و ڕایگەیاندووە: پارێزگاری سەپێنراوی کەرکووک لە دەرکردنی بڕیارێکی لەو شێوەیە لەلایەن ئەنجوومەنی وەزیرانی ئێراقەوە ڕۆڵێکی خراپی بینبووە. مەڵبەندی 18ی ڕێکخستنی ڕۆژهەڵاتی کەرکووکی یەکێتیی سووربوونی خۆی لەسەر ڕەتکردنەوەی ئەو پیلانە دووپاتدەکاتەوە و تەئکیدیش دەکاتەوە کە: هەموو ڕێکارە یاسای و مافی خۆپیشاندان ئەگرنەبەر دژی ئەو بڕیارە و داواش لە سەرۆکی حکومەتی ئێراق دەکەن، لەڕوانگەی پەرپرسیارەتی و هەستکردن بە مەترسی کاریگەریی ئەم بڕیارە، دەستەبەجێ ئەو بڕیارە ڕەتبکاتەوە، بەپێچەوانەشەوە تێکچونی بارودۆخی ئیداری کەرکووک ئەخرێتە ئەستۆی سەرۆکی حکومەتی ئێراق و پارێزگارە سەپێنراوەکەی کەرکووک. [1]