بەپێی ئاماری بەڕێوەبەرایەتیی گشتیی کاروباری ئێزدییەکان لە وەزارەتی ئەوقافوەزارەتی ئەوقاف، لە ماوەی چوار ساڵدا سێ هەزار و 315 ئێزدی لە دەستی داعشداعش رزگارکراون، بەڵام تاوەکو ئێستا سێ هەزار و 102 کەس، واتە نزیکەی لە 48%ی رفێندراوەکان چارەنووسیان نادیارە.
خەیری بۆزانی، بەڕێوەبەری گشتیی کاروباری ئێزدییەکان لە وەزارەتی ئەوقاف و کاروباری ئایینی هەرێمی کوردستان بە (تۆڕی میدیایی رووداو)ی راگەیاند، لە رۆژی 3-8-2014ەوە تاوەکو ئێستا لە کۆی شەش هەزار و 417 ئێزدی رفێندراو لەلایەن داعشەوە، سێ هەزار و 315 کەسیان رزگارکراون و هێشتا سێ هەزار و 102 کەس لەدەستی داعشدا ماون.
ئاماری بەڕێوەبەرایەتیی گشتیی کاروباری ئێزدییەکان لە وەزارەتی ئەوقاف:
- ژمارەی کوردانی ئێزدی لە عێراق و هەرێمی کوردستان 550 هەزار کەس.
- 100 هەزار کوردی ئێزدی بۆ دەرەوەی وڵات کۆچیان کردووە.
- ژمارەی شەهیدبووەکان لە رۆژی یەکەمی هێرشی سەر شنگالشنگال: هەزار و 293 شەهید.
- تاوەکو ئێستا 69 گۆڕی بەکۆمەڵ لە شنگال دۆزراونەتەوە.
- دەیان گۆڕی تاکە کەسی دۆزراونەتەوە.
- 68 پەرستگە و مەزارگەی ئایینی تەقێندراونەتەوە.
ژمارەی منداڵە بێ دایک و باوکەکان:
- دوو هەزار و 745 منداڵ:
- هەزار و 759 منداڵ باوکیان لەدەستداوە.
- 407 منداڵ دایکیان لەدەستداوە.
- 389 منداڵ دایک و باوکیان لەدەستداون.
- 220 منداڵ دایک و باوکیان لەلای داعش ماون.
ژمارەی رفێندراوانی کوردی ئێزدی لەلایەن داعشەوە:
بە تێکڕا شەش هەزار و 417 کەس
سێ هەزار و 548 لە رەگەزی مێ.
دوو هەزار و 869 کەس لە رەگەزی نێر.
تاوەکو ئێستا سێ هەزار و 315 کەس رزگارکراون.
+ هەزار و 155 ئافرەت.
+ 337 پیاو.
+ 953 منداڵی کچ.
+870 منداڵی کوڕ.
تاوەکو ئێستا سێ هەزار و 102 کەس بێسەروشوێنن:
+ هەزار و 440 رەگەزی مێ.
+ هەزار و 662 رەگەزی نێر.
لەدوای هێرشی داعش لە مانگی ئابی 2014 بۆ سەر شنگال و دەوروبەری، حکومەتی هەرێمی کوردستان نووسینگەیەکی تایبەتی بەناوی رزگارکردنی کوردانی ئێزدی کردووەتەوە و بودجەی پێویستیشی بۆ تەرخانکردووە
رۆژی هەینی 3-8-2018 هاوکاتە لەگەڵ چوارەم ساڵی کۆنترۆڵکردنی شنگال لەلایەن چەکدارانی داعش و کۆمەڵکوژکردن و بێسەروشوێنکردنی هەزاران کەس لە دانیشتووانی شارەکە و کوردانی ئێزدی.
لە تشرینی دووەمی ساڵی 2015، بە بەشداری زیاتر لە حەوت هەزار و 500 پێشمەرگەپێشمەرگە شنگال لە دەست داعش کۆنترۆڵکرایەوە.[1]
02-08-201802-08-2018

⁉️ تایبەتمەندییە تەکنیکییەکان
✨ کوالیتیی بابەت: 93% ✔️ 93% ✖️  30%-39% خراپ 👎 ✖️  40%-49% خراپ ✖️  50%-59% خراپ نییە ✔️  60%-69% باش ✔️  70%-79% زۆر باشە ✔️  80%-89% زۆر باشە 👍 ✔️  90%-99% نایاب 👏 93% ✔️
➕	ئەم بابەتە لەلایەن: (هاوڕێ باخەوان)ەوە لە: Aug 2 2018 2:07PM تۆمارکراوە
👌	ئەم بابەتە لەلایەن: (زریان سەرچناری)ەوە لە: Aug 3 2018 7:20AM پێداچوونەوەی بۆکراوە و ئازادکراوە
✍️	ئەم بابەتە بۆ دواجار لەلایەن: (زریان سەرچناری)ەوە لە: Aug 3 2018 7:20AM باشترکراوە
☁️	ناونیشانی بابەت
🔗
🔗
👁	ئەم بابەتە 582 جار بینراوە