دهۆک؛ لە ساڵێکدا زیاتر لە هەزار کەس تووشی شێرپەنجە بوون
📊 ئامار و راپرسی
بەڕێوەبەرایەتی گشتی تەندروستی
دهۆکدهۆک رایدەگەیەنێت، ساڵی رابردوو زیاتر لە چوار هەزار کەس گیانیان لەدەستداوە و زیاتر لە هەزار کەسیش گیرۆدەی شێرپەنجەبوون.
نزار عیسمەت، بەڕێوەبەری گشتی تەندروستی دهۆک لە کۆنگرەیەکی رۆژنامەوانسیدا رایگەیاند، ؛ ساڵی (2018)، چوار هەزار و (495) کەس لە سنوری پارێزگاکەیان گیانیان لە دەستداوە هۆکاری سەرەکیی مردن بە پلەی یەکەم بە نەخۆشی دڵ بوە بە رێژەی (27%) و بەهۆی جەڵتەوە (11.7%) بوە و شێرپەنجە (11%) بوە و رووداوی هاتوچۆ (4.7%)بوە.
بەڕێوەبەری گشتی تەندروستی دهۆک وتیشی، تەنها لەو ساڵەدا هەزارو 45 کەس تووشی نەخۆشی شێرپەنچە بون.
نزار عیسمەت ئاماژەی بەوەشکرد، ساڵی رابردوو نۆ ژن لەکاتی لە دایکبوونی منداڵەکەیان، یان دوای لە دایکبونی منداڵ بە ماوەیەکی کەم گیانیان لەدەستداوە، ژمارەی ئەو منداڵانەی کە تەمەنیان لە یەک ساڵ کەمتر بوە و گیانیان لەدەستداوە (687) منداڵ بوە، ژمارەی ئەو منداڵانەی لە خوار تەمەنی پێنج ساڵ گیانیان لەدەستداوە (879) منداڵ بوە.
بەڕێوەبەری گشتی تەندروستی دهۆک باسی لەوەشکرد :ژمارەی منداڵانی تازە لە دایکبوو لە ساڵی (2018)دا، (42) هەزار و (220) منداڵ بوە.
[1]
15-01-201915-01-2019